Mazkur o'yinda farg'onaliklarning afsonaviy futbolchisi Anvar Berdiev faoliyatidagi rasmiy 500-bahsida ishtirok etdi. SHu vaqtga qadar tajribali hujumchi O'zbekiston chempionatlarida 499 ta uchrashuvda ishtirok etgandi.
Aytish kerakki, futbolchi mazkur o'yinlarning ko'plab qismini qadrdon jamoasi bo'lmish, “Neftchi” safida o'tkazgan hamda o'zining to'purarlik salohiyati, bektakror o'yinlari bilan nafaqat farg'onalik, balki butun o'zbekistonlik muxlislarning qalbidan o'chmas iz qoldirdi.
40 yoshli hujumchining 500-bahsi “o'zbek el-klassikosi” hisoblanmish “Paxtakor”ga qarshi bahsga to'g'ri keldi. Hujumchi mazkur o'yinda zahiradan maydonga tushdi va “Neftchi” uchun muhim bo'lgan golga mualliflik qildi. O'yindan so'ng stadionda futbolchini jamoadoshlari 500 raqami tushirilgan futbolka bilan tabriklashdi.
Fursatdan foydalangan holda, “Neftchi” PFK rahbariyati, murabbiylar shtabi, futbolchilar, xodimlar va jamoa muxlislari nomidan Anvar Berdievni mazkur yubiley bahsi bilan tabriklaymiz!
“Neftchi” matbuot xizmati.
Bosh sahifaga
288