Jamoalar nisbatan kattaroq tanaffusga chiqishdi. Ular ko'p ter to'kishdi, taqvimdagi qiyinchiliklarga chiday olishdi. Tashqaridan aytilayotgan gaplar o'z yo'liga, hozirgi intilish saqlab qolinsa va moliyaviy qiyinchilikning suniy tashkil etilayotgani barham topsa, chempionat 2019 yil ikki karra qiziqarliroq bo'ladi. SHuningdek, jo'jalarni sanaydigan kuzda ham dahshatli o'yinlar kutib turganini unutmaslik kerak.
CHempionlik yo'lida
Formatga ko'ra, jamoalarni teng ikkiga taqsimladik. Dastlabki olti klub orasida eng ko'p ochko ishlagani baribir “Navbahor” bo'lib turibdi. Biroq unutmaslik kerak, jadval 22-turdan keyin ham shunday qolsa, namanganliklar shu klublar bilan yana ikki martadan maydonga tushib chiqishi kerak bo'ladi. Xullas, oson emas bu maydon ichra turmoq.
Jon saqlash yo'lida
“Qizilqum” va “So'g'diyona”ning o'ziga kelishi, quyidagicha manzara hosil qilgan. Biroq bu ham hali hammasi emas. Vaziyat shunday qolishda davom etsa, ular “Nasaf”, “Qo'qon-1912” va murabbiyi o'zgargan AGMK bilan yana ikki martadan maydonga tushib chiqishi kerak bo'ladi. “Neftchi” katta farq bilan ortda ekanini inobatga olmasa, Pro-Ligaga surgun bo'lmaslik yo'lidagi kurash ham chempionlik raqobatidan kam bo'lmasligi katta ehtimol.
Xullas, chempionatning qaymog'i hali oldinda. Hozircha esa mundial bellashuvlaridan rohatlanib turamiz. Futbolchilar ham, murabbiylar ham, muxlislar ham, xullas hammamiz Jahon CHempionatini ko'raylik, havas qilaylik, o'rganaylik va izlanaylik. Tanaffus shuning uchun ham kerak edi. Yaxshi dam sizga hamdam bo'lsin!
Bosh sahifaga
68