Kolumbiya terma jamoasining chap qanot himoyachisi Frank Fabra biroz vaqt oldin tizzasidan olgan jarohati tufayli Jahon CHempionatiga borolmasligini eshitganingiz aniq. Bundan tushkunlikka tushgan Frank instagramdagi shaxsiy sahifasi orqali quyidagi ichki kechinmalari bilan bo'lishdi:
“Bu Kolumbiyaning Nechi shahri ko'chalarida yalangoyoq yugirib yurgan bolakayning orzusi edi. Xuan Kuadrado va Xames Rodrigesning o'yinlari, David Ospinaning seyvlari, Abel Agilar va Karlos Sanchesning maydon markazidagi harakatlari, o'tgan Jahon CHempionatida Zuniga, Santyago Aryasa va Pablo Armeroning paslaridan hayratlangan va tanasi junbushga kelgan bolakay shu turnirning bir bo'lagi bo'lishni orzu qilardi.
Men bu uchun qattiq kurashdim, o'z ustimda tinimsiz ishladim, eng yaxshi o'yinchi bo'lishga intildim. Hozir esa yuragim mayda-mayda bo'laklarga bo'linib ketdi. Orzularim tomon etaklaydigan eshik oldida turibman. Biroq, unga yaqin borolmayapman. Bu juda og'ir.
Lekin ishonchim so'nmadi. Yaratgan egamga bo'lgan kuchli ishonchim. U meni baxtli va mag'rur qila oldi. Demak, buyog'iga ham o'zi menga kuch ato etadi. Men bu vaziyatdan chiqolaman. Bunga Radamel Falkao yorqin misol bo'la oladi. Ular buni epladi. U holda men ham buning uddasidan chiqolaman.
Oila azolarim, sevgan qizim, do'stlarim va terma jamoadagi hamkasblarimga tashakkur. Ular hamisha yonimda va doim meni qo'llab-quvvatlashadi. Dilimdagi barcha gaplarimni aytgim kelyapti. Ammo hammasini so'z bilan ifodalab berolmayman. Orzum hamon men bilan. Yaratgan egamga bo'lgan ishonchim tufayli hali barcha niyatlarimga erishaman!”
Nozima Zaripova tarjimasi
Bosh sahifaga
1823