Pireney yarim orolida joylashgan ikki jamoa mundialda ikkinchi bora o'zaro o'yin o'tkazishadi. Ilk bor Ispaniya va Portugaliya JARda o'tgan JCH-2010 nimchorak finalida uchrashishgan va "qizil furiya" (1:0) g'olib bo'lgan.
Barcha musobaqalarni inobatga olsak ushbu jamoalar o'zaro 35 marta hisob-kitob qilishgan. 16 bor Ispaniya, 6 marta Portualiya g'olib bo'lgan. Mundial boshlanishiga bir kun qolganida Ispaniya bosh murabbiyi Xulen Lopetegi istefoga chiqarildi va uning o'rniga Fernando Yerro taynlandi.
Evropaning amaldagi chempionlari va Krishtianu Ronaldu Jahonning eng nufuzli musobaqasida g'olib chiqishni maqsad qilishgan.
Ispaniya terma jamoasi safida himoyachi Dani Karvaxalning maydonga tushishi so'roq ostida.
Bu qiziq
Ispaniya terma jamoasi Jahon chempionatlarida faqat bir bor o'yinni kamchilikda tugatgan: 1994 yilgi mundialda Migel Anxel Nadal Koreyaga qarshi o'yinning 25-daqiqasida (2:2) qizil kartochka olgandi.
 Portugal | World Cup Grp. B . 1-tur 15/06/2018, 23:00 - : - Boshlanmadi |  Spain |
Stadion: Fisht Olympic Stadium
Bosh hakam: Gianluca Rocchi
Ispaniya: David de Xea, Jordi Alba, Serxio Ramos, Jerar Pike, Nacho, Serxio Buskets, Tiago Alkantara, Andres Inesta, Isko, David Silva, Diego Kosta
Murabbiylar nima deydi?
Fernandu Santush (Portugaliya):
"Krishtianu Ronaldu – ajoyib futbolchi va qoyilmaqom sardor, ammo Portugaliyaning asosiy kuchi bir futbolchiga tayanib qolganimizda emas, bir jamoa ekanligimizda. Ispaniyaga kelsak murabbiy o'zgarishi jamoani kuchsizlantirib qo'yadi deb o'ylamayman. Ispaniya – Jahon chempionatning favoritlaridan biri, ammo ularda ham kuchsiz tomonlari bor. Qanday? Sirlarni oshkor qilmoqchi emasman".
Fernando Yerro (Ispaniya):
"Raqibni hurmat qilamiz. Portugaliya mundialda eng kuchli tarkibga va tajribali murabbiyga ega jamoalardan biri. Ammo g'alaba qozonishimizga ishonamiz. Finalga teng bo'lgan o'yinda ishtirok etamiz. Unda barcha istalgan musobaqada g'olib bo'lish uchun kurashadigan Ispaniya terma jamoasini ko'radi".
Stadion haqida:
“Fisht” stadioni haqida nimalarni bilishimiz kerak?
JCH-2018. Portugaliya terma jamoasining rasmiy qaydnomasi
JCH-2018. Ispaniya terma jamoasining rasmiy qaydnomasi
Bosh sahifaga
195
