Mavsumning birinchi davrasini omadsiz o'tkazgan Toshkentning “Lokomotiv” klubi o'z ananasiga sodiq qolgan holda davralar oralig'ida Belarus davlatida o'quv-mashg'ulot yig'inini o'tkazadi.
Rejaga ko'ra, “temiryo'lchilar” 19 iyun kuni Minsk shahriga jo'nab ketishadi. Bu haqda “Lokomotiv” hujumchisi Marat Bikmaev bizga qisqacha intervyu berdi.
- Birinchi davradagi omadsizlikka moliyaviy masalaning tasiri yo'q, - deya so'z boshladi M.Bikmaev. - Agar hammasi moliyaviy taminotga bog'liq bo'lganida, bu “Bunyodkor”ning ham natijalarida aks etardi. “Qaldirg'ochlar” moliyaviy qiyinchilikka qaramay, turnir jadvalida bizdan yuqorida borishyapti. Demakki, omadsizlikka faqat va faqat o'zimiz sababchimiz. Boshqa hech kim va hech qanday omil aybdor emas.
- Klub rahbariyatining yondashuvi qanday? CHempionatning qolgan qismida vaziyatni ijobiy tomonga o'zgartira olasizlarmi?
- Rahbariyat har holda, xursand emas. Lekin boshqa tomondan, rahbarlar ham vaziyatni to'g'ri tushunib, ruhiyatni ko'tarishga harakat qilishyapti. O'ylashimcha, hammasi o'z qo'limizda. Qaysidir manoda chempionatni boshidan boshlaymiz. Natijalarni ijobiy tomonga o'zgartirishga qodirmiz, menimcha. Oldinda xorij yig'ini bor. Ananaga sodiq qolgan holda, Belarus poytaxti Minsk shahrida o'quv-mashg'ulotlar o'tkazamiz. SHu maqsadda 19 iyun kuni safarga jo'nab ketamiz. Tabiiyki, u erda mahalliy klublar bilan bir nechta nazorat uchrashuvlari o'tkazamiz. Ayni shu o'yinlar orqali chempionatning qolgan qismiga tayyorgarlik ko'ramiz.
Bosh sahifaga
2025