"Bugun eng yaxshi o'yinlarimizdan birini namoyish qila oldik. G'alaba bilan barchani tabriklayman. Yigitlarga rahmat aytaman. Ularga umuman etirozim yo'q. Bugun barchadan mamnunman. 14 iyun - tug'ilgan kunim edi. SHogirdlarim tug'ilgan kunimga mos sovg'a berishdi. Menga bundan ortig'i kerak emas.
O'yin qiyin o'tdi. Maydon biroz noqulay edi, biroq shogirdlarim tezda bunga ko'nikib olishdi. O'yin davomida tashabbus bizning tomonda bo'ldi. Ko'plab hujumlar uyushtirdik. Golni ham chiroyli kiritdik. Raqib jarima maydonchasi ichida bir necha kichik to'p oshirishlarini amalga oshirdik. Qanotdan oshirilgan pasga Murodjon To'ychiboev zarba beradigandek bo'ldi, biroq to'pni o'tkazib yubordi va raqib himoyachisini ham "qurolsizlantirdi". Oripxo'ja Abduholiqov esa chiroyli gol muallifiga aylandi.
Raqiblar ikkita penaltidan gol ura olishmadi. Birini posbonimiz qaytargan bo'lsa, ikkinchisi ustunga tegdi. 83-daqiqada gol urgan bo'lsak, shundan keyin ham hisob o'zgarib ketishi mumkin edi.
Abdurasul Komilov Maldiv orollarining "Maziya" jamoasi safiga ko'chib o'tdi. Bu klub ayni damda chempionatning 3-pog'onasini egallab turibdi. U kecha biz bilan xayrlashdi. SHuningdek, Abdug'ani Kamolov "SHo'rtan"ga, Elbek Ravshanov esa "Buxoro"ga ko'chib o'tmoqda. Ularning o'rniga hozircha futbolchi topganim yo'q.
Taqvim? Savolingizni tushundim. Jahon chempionatida Pro-liga bo'layotgani normal holat. Muhimi uchrashuvlar o'z vaqtida bo'lmoqda", - dedi Vohid Xolboev.
Mirjalol Normatov suhbatlashdi
Bosh sahifaga
130