- Bugungi uchrashuv “derbi” maqomiga ega edi. Bunday uchrashuvlar shiddatli va keskin kurashlarga boy tarzda o'tadi. Mana bugun uchrashuvni kuzatgan mutaxassislar, o'yingohimizga tashrif buyurgan muxlislar o'zlari guvoh bo'lishdi, uchrashuv jangovor ruhda o'tdi. Ilgariyam aytganman, endi yana aytaman, bizda yaratilgan vaziyatlardan foydalanishda muammolar ko'zga tashlanmoqda. Bu uchrashuvda birinchi bo'limda yuzaga kelgan imkoniyatlardan foydalanganimizda, uchrashuv butunlay boshqacha hisob bilan yakunlanishi mumkin edi. Aynan shu bizda kuzatilayotgan kamchilik ustida ishlaymiz.
Ikkinchi davraga tayyorgarlik borasida rejalarimiz mavjud, biz ikkinchi davrada jamoamizga hujumchi olib kelishni maqsad qilganmiz, kuzatib yurgan futbolchilarimiz bor. Birinchi davra bo'yicha fikr yuritadigan bo'lsak, bizda hujumdan boshqa chiziqda hozircha muammolar yo'q, barcha futbolchilardan ko'rsatayotgan o'yinlari uchun minnatdorman. Ilgari aytganimdek, tarkibimizga Izzat G'anievni qo'shib olsak, o'ylaymanki himoyamiz bundanda mustahkam bo'ladi. Davralar oralig'ida yig'in o'tkazish bo'yicha rejamiz bor, yig'in o'tkaziladigan joy bo'yicha keyinroq malumot beramiz.
Bekzod Tolibov yozib oldi.
Bosh sahifaga
168