Avvalroq FIFA aynan JCH-2018 o'yinlaridayoq VAR tizimi va Goal-line technology (to'p darvoza chizig'ini kesib o'tgan/o'tmaganini aniqlovchi tizim)ni ilk bor yirik musobaqada qo'llab ko'rishga qaror qilgandi. Va bu Franciya - Avstraliya uchrashuvida hal qiluvchi omillardan biri bo'ldi.
1. Hakam penalti belgilash niyatida emas edi, lekin video-yordamchilar maslahati va maydon chetidagi monitor yordamida o'n bir metrlik jarima belgilash kerak deb hisobladi. Grizmann nuqtadan adashmadi.
2. Pol Pogbaning zarbasi rikoshet tufayli ajoyib traektoriya bo'ylab darvozaga yo'l topdi, ammo baribir to'p chiziqni kesib o'tganligini ishonch bilan aytib bo'lmasdi. Gol bo'ldimi? Aniqmi? Bir necha soniya sukut va bosh hakam maydon markazini ko'rsatdi. Uning qo'lidagi "soat" (maxsus moslama) ishlab ketdi (Goal-line technology o'zini ko'rsatdi), demak – gol bo'lgan.
O'yin dinamikasi, atrofdagi shovqin ... Bunday vaziyatda inson xato qilishi, ko'rmay qolishi hech gap emasdi. Yangi texnologiyalarsiz Franciya ochko yo'qotishi va yutqazib qo'yishi ham mumkin edi. Jamoa to'p bilan ko'proq muomala qildi, o'yin tizginini qo'lida ushlab turgandek edi, ammo ko'pchilik kutgan engil va yorqin o'yin yo'q edi.
– Bazan yakkakurashlarda mag'lub bo'ldik va to'p oshirishlarda xatoga yo'l qo'ydik. Nima bo'lganini va nega bunday bo'lganini tushuntirish mushkul, biroq o'yin tizgini bizning qo'limizda edi, – dedi Dide Desham.
Rossiya maydonlarida o'tayotgan JCH dastlabki uch kunida 6 ta penalti belgilandi, o'tgan musobaqada (boshidan oxirigacha) – 13 ta. O'tgan JCHda – bir bor futbolchi imkoniyatni golga aylantira olmagan, bu safar – "uje" ikkita. Mazkur Jahon CHempionati trendlaridan biri shubhasiz, o'n bir metrlik zarbalar.
Bosh sahifaga
1910