“So'g'diyona” sobiq murabbiyi hamda futbolchisi oldidagi qarzlarini to'lab beradi

“So'g'diyona” futbol klubining sobiq darvozabonlar murabbiyi SHavkat Abduxo'jaev hamda klub sobiq futbolchisi Sarvar Jo'raev “So'g'diyona”ning futbolchi hamda murabbiy oldida qarzdorligi mavjud ekani va uni undirib berishda amaliy yordam ko'rsatilishini so'rab O'FAga murojaat qilgan edi.

Futbolchilarning jamoadan jamoaga o'tishi va o'yinchilarning maqomini belgilash qo'mitasi mazkur murojaatlarni ko'rib chiqdi va vaziyat atroflicha o'rganilgach, murojaatlarni asosli deb topdi. Natijada Jizzaxning “So'g'diyona” jamoasi zimmasiga SHavkat Abduxo'jaev oldidagi 10 million so'm qarz hamda Sarvar Jo'raev oldidagi 28 million so'mlik moliyaviy qarzdorlikni bartaraf etish vazifasi yuklatildi.

Agar “So'g'diyona” futbol klubi qarzlarini o'z vaqtida to'lamasa, jamoaga yangi o'yinchilarni ro'yxatdan o'tkazishga ruxsat berilmaydi.