"Qo'qon-1912": Nazorat uchrashuvida "qizillar" g'olib

Bugun jamoa 2015 yil yakunlari va yangi yil munosabati bilan tadbir o'tkazadi.

Kecha esa jamoamiz ikkiga bo'lingan holda o'zaro o'ynadi. Qo'qonda “Markaziy” o'yingohda bo'lib o'tgan uchrashuvda “Qizillar” 2:1 hisobida g'alaba qozonishdi.

O'yinni birinchi bo'limi deyarli teng kurashlar ostida o'tdi. Har ikki jamoa navbat bilan ustunlikni qo'lga kiritishga harakat qilishdi. “Qizillar” safida to'p surgan Otabek Haydarov va Otabek Zokirovlar muxlislar olqishiga sazovor bo'lishdi. “Yashillar” sharafini himoya qilgan Ruslan Matniyozov ham o'zining marohatini namoyish etdi. Ruslan bir safar jamoasini  muqarrar goldan saqlab qoldi.

Uchrashuvning 9-daqiqasida Izzat G'aniev tomonidan oshirilgan to'pni Otabek Zokirov darvozaga aniq yo'llab hisobni ochdi. 17-daqiqaga kelib hisob tenglashdi. Azizxon Ibragimovning pasidan so'ng, Muhammadanas Hasanov muvozanatni tikladi. Bo'lim yakunlanish arafsida Otabek Haydarov “Qizillar”ni yana oldinga olib chiqdi. Orif Mamajonovning uzatmasini Haydarov golga aylantirdi.

Ikkinchi bo'limda  bosh murabbiy yoshlarni sinab ko'rish maqsadida 16 yoshli Ibrohim Muxtorovni Nodir Qo'ziboev o'rniga maydonga tushirdi. So'ngra,  Abror Rahmonov o'rniga Doston Meliqo'ziev,  Xayrulla Jakbarov o'rniga Jamshid Rahmonovlar maydonga tushishdi.

2-bo'limni deyarli yarmini qizillar bir  kishi kam bo'lib  o'tkazishdi . Jarohat olgan Orif Mamajonov maydonni erta tark etdi.

SHuningdek, jarohati bois etakchi o'yinchilar Nosir Otaqo'ziev, Aziz To'xtaboev va betobligi sababli darvozabon Andrey Baklanovlar o'yinni tomoshabin sifatida kuzatishdi.

Muxlislarga notanish bo'lgan Xayrulla Jakbarov va Jamshid Rahmonov mahalliy yoshlardan bo'lib, murabbiylar ko'rigidan o'tishmoqda.

Jamoamiz kecha o'tgan mavsumda jamoaning asosiy tarkibida o'ynagan, shu kunda qadar jamoa bilan birga bo'lib turgan barcha futbolchilar bilan yangi shartnomalarni imzoladi. Yangi kelgan Otabek Zokirov va Izzat G'anievdan tashqari hamma futbolchilar bilan shartnomalar 2 yil muddatga tuzildi.

Aytgancha, o'yinni 200 nafarga yaqin tomoshabin bevosita stadionda kuzatib borishdi.

Nazorat uchrashuvi

“Qizillar” – “Yashillar” 2:1

Gollar: Otabek Zokirov – 9. Otabek Haydarov – 38. – Muhammadanas Hasanov – 17.

“Qizilar”: Aziz Ashurov (Islom Abdullaev), Laziz Nazirov, Ismoil Oxunjonov, Avazxon Mamatxujaev, Maruf Zokirjonov, Izzat G'aniev, Bahodir Akramov, Nodir Qo'ziboev (Ibrohim Muxtorov), Orif Mamajonov, Otabek Zokirov, Otabek Haydarov.

"Yashillar": Ruslan Matniyazov, Oybek Nurboev, Ilya Ilin, Oybek Rustamov, Jalil Kimsanov, Furqat Hasanboev, Iqbol Malikjonov, Xayrulla Jakbarov (Jamshid Rahmonov), Azizxon Ibragimov, Abror Rahmonov (Doston Meliqo'ziev), Muhammadanas Hasanov.