JCH-2018. Avstraliya va Daniya durang o'ynadi

2018-06-21 19:00:01 / Kiritdi: BestMaster O'qilgan: 239

JCH-2018ning 2-turi doirasida Daniya - Avstraliya uchrashuvi bo'lib o'tdi.

Ushbu uchrashuvning matnli translyaciyasini ushbu sahifa orqali kuzatib borishingiz mumkin.

YANGILASH

O'YIN TUGADI. TOMONLARNING KUCHI TENG KELDI.

90+3. ZARBAAAAAAAA!!! Martin Breytveytning xavfli zarbasini darvozabon ushlab oldi.

90+2. Butun o'yin davomida Avstraliyaning kichik ustunligini ko'rdik. Biroq jamoalarning saviyasi teng.

90+1. Avstraliyaning bosimi yanada ortmoqda. Xo'sh, kim ko'proq gol urarkin...

UCHRASHUVNING ASOSIY VAQTIGA 3 DAQIQA VAQT QO'SHIB BERILDI

90. Arzani oldinga o'tib borayotgan bir vaqtda Dileyni uni yiqitdi. Biroq hakam hech nima demadi.

89. XAVFLI VAZIYATTTTT!!! Arzanining bir o'zi katta masofani bosib o'tdi va darvozaga zarba berdi. Darvozabon qaytardi. Keyinchalik Metyu Lekining zarbasidan keyin ham posbon o'zini ko'rsatdi.

88. XAVFLI VAZIYATTTTT!!! Dileynining to'p uzatishi anchagina noaniq bo'ldi.

85. O'yin tugashiga 5 daqiqa vaqt qolganida ikki tomon ham hujumga qattiq etibor bermoqda.

84. Hakamga etiroz bildirgani uchun Pione Sisto sariq kartochka oldi.

82. Korneliusning boshi bilan bergan zarbasidan keyin to'pni Rayan ushlab oldi.

81. XAVFLI VAZIYATTTTT!!! Arzanining chap qanotdan oshirilgan to'piga hech kim eta olmadi. Avstraliya hisobda oldinga chiqib olishi mumkin edi.

76. Uchrashuvni 40727 muxlis kuzatib bormoqda.

75. Metyu Lekining zarbasiga biroz kuch etishmadi. U yaxshi harakat qilgandi.

74. O'zgarish. Jarohat olgan Nabbut o'rniga Tommi Yurich tushirildi.

73. O'yin qizigandan qizimoqda. Hujumlar anchagina ko'paydi.

72. ZARBAAAAAAA!!! Sistoning uzoq masofadan yo'llagan zarbasiga aniqlik etishmadi.

71. ZARBAAAAAAA!!! Muyning zarbasi biroz noaniq. Avstraliya golga yaqin qolmoqda.

69. O'zgarishlar: Daniya tarkibida Yorgensen o'rniga Kornelius, Avstraliyadan esa Kruze o'rniga Arzani maydonga tushdi.

68. XAVFLI VAZIYATTTTTT!!!! SHmeyxelning xatosidan keyin Leki to'pni darvoza yaqiniga tashlab berdi. Biroq Rogich zarba bera olmadi.

67. Avstraliya hujumga o'tdi. Rogich raqib jarima maydonchasi yaqinida to'pni sherigiga aniq oshirib bera olmadi.

63. Martin Breytveytning noaniq o'yini natijasida Daniyaning hujumi to'xtab qoldi.

62. Ayni damda Avstraliya yana hujumga o'tishga intilmoqda.

61. Pione Sistoning chap qanotdan oshirgan to'pini avstraliyaliklar qaytarib yubordi.

57. O'zgarish. Yusuf Poulsen o'rniga Martin Bretveyt maydonga tushdi.

55. Burchakdan oshirilgan to'pdan keyin bosh bilan bir necha bora zarba berildi. Biroq bu daniyaliklarga naf keltirmadi.

54. Daniya burchak zarbasini ishlab oldi

53. Avstraliya o'ng qanotdan hujumga o'tdi. Joshua Rizdonning to'p oshirishi anchagina xato bo'ldi.

52. Xavfli vaziyat! Avstraliya chap qanotdan hujum uyushtirdi. Yens Striger vaziyatni bartaraf etdi. Avstraliya bosim uyushtirmoqda.

51. ZARBAAAAAAAAAA!!! Olson raqib jarima maydonchasi ichida yiqilib tushdi. Undan keyin Sisto zarba berdi. Biroq zarbana aniqlik etishmadi.

47. Ikkinchi bo'lim ham yuqori temp bilan boshlandi. Ikki tomon ham ketma-ket hujumlar uyushtirmoqda.

IKKINCHI BO'LIM BOSHLANDI

BIRINCHI BO'LIM YAKUNLANDI

45. Bosh hakam birinchi bo'limga 2 daqiqa vaqt qo'shib berdi.

43. Hozir Trent Seynsburini ochiqdan ochiq ortidan itarib yuborishdi. Biroq hakam bu safar penalti belgilamadi.

41. ZARBAAAAAA!! Jarimadan uzatilgandan keyin to'p Avstraliya futbolchisiga tegdi va o'z darvozasiga kirib ketayotganida darvozabon to'pni ushlab oldi.

40. Avstraliya yana hujumga o'tdi. Rogichning biroz noqulay poziciyada turgani tufayli vaziyat yo'qqa chiqdi.

38. GOOOOOOOOOOOOOOLLLLLLLLLL!!!! YEDINAAAAAAKKKKKK!!! 1:1. Mayl penaltini aniq amalga oshirdi.

36. RAHMAT VAR! Ushbu tizim orqali Avstraliya yana bir bor penalti tepadi.

36. XAVFLI VAZIYATTTTT!!! Lekining boshi bilan bergan zarbasi biroz kuchsizroq chiqdi.

34. Avstraliya pozicion hujum uyushtirmoqda. Ular gol urish uchun qattiq intilmoqdalar.

32. Simon Ker raqibi Rogichni yiqitgani uchun o'yinda kichik to'xtalish bo'ldi.

30. XAVFLI VAZIYATTTTTTT!!! Leki o'ng qanotdan raqib jarima maydoniga kirib bordi va pas berdi. Uning uzatgan to'pini Rogich darvozaga yo'llay olmadi. O'ta xavfli vaziyat bo'lgandi.

28. Metyu Leki hujumga o'tdi. Uning jarima maydonchasi ichiga xavolatib tepgan to'pi noaniq ketdi.

26. Total ustunlik Avstraliyada. Ular to'p bilan ko'proq bo'lishmoqda. Biroq Daniyada hujumlar ko'proq.

24. ZARBAAAAAA!!! Yorgensenning boshi bilan bergan zarbasiga biroz aniqlik etishmadi. Sal qoldi.

23. Rogichning zarbasi noaniq ketdi. Avstraliya o'yinni kuchaytirmoqda.

20. Avstraliya hujumga o'tgandi. Biroq jarima maydonchasi ichida Tommi Rogichni to'xtata olishdi.

17. Daniya chap qanotdan oldinga o'tmoqchi bo'lgandi. Biroq futbolchi to'pga etib bora olmadi.

16. Eriksenning to'p uzatishidan keyin himoyachilar aniq o'ynashdi va vaziyatni yumshata olishdi.

15. Aaron Muy o'z jarima maydoni yaqinida qoidani buzdi. Daniyada gol urish uchun qulay vaziyat.

14. Avstraliya hujumga o'tishga qattiq intilmoqda. O'ylang, Bert Van Marveyk.

13. Endi daniyaliklar to'p bilan bo'lib, tempni tushirishga urinmoqda.

11. Avstraliya yana bir marta burchak zarbasini amalga oshirdi. Biroq bundan samara chiqmadi.

10. Nikola Yorgensenga ajoyib tarzda to'p oshirilgandi. Biroq futbolchi to'pga etmadi. Vaziyat xavfli ko'rinish olmadi.

9. Gol o'tkazgan avstraliyaliklar burchak zarbasiga ega chiqishgandi. Biroq havodan uzatilgan to'pni raqib himoyachilari qaytarib yubordi.

7. GGOOOOOOOOOOLLLLLLLLLL!!!! ERIKSENNNNN!!!! Yorgensenning chiroyli to'p uztishidan keyin Eriksen to'pni darvozaga joylab qo'ydi. 1:0!

4. Daniya bosimni oshirmoqda. Ular uzun to'p oshirishlari orqali hujum uyushtirayotgan bir vaqtda Avstraliya qarshi hujumga o'tib ketdi. Burchak zarbasi ishlab olindi. Metyu Lekining boshi bilan bergan zarbasi xavfli ko'rinish olgan bo'lsada, golga aylanmadi.