Minskdagi "Torpedo" stadionida bo'lib o'tgan bahsda olmaliqliklarga Sankt-Peterburgning "Dinamo" jamoasi raqiblik qildi. Navbatdagi mavsumda bu jamoa Sochi shahriga ko'chib o'tadi va Rossiya birinchi divizionida o'z ishtirokini davom ettiradi.
Aleksandr Tochilin bosh murabbiyligida bu jamoa ortda qolgan mavsumda 20 jamoa ishtirok etgan FNLda 6-o'rinni qo'lga kiritdi.
Qiziqarli kechgan bahsda AGMK ustozi Baxtiyor Ashurmatov mashg'ulotlarda qatnashayotgan barcha futbolchiga bu bahsda maydonga tushish imkonini berdi. O'yin taqdirini 42-daqiqada Anzor Sanaya tomonidan urilgan gol hal qildi.
AGMK navbatdagi nazorat o'yinini 24 iyun kuni Kaliningradning "Baltika" jamoasiga qarshi o'tkazadi. Bu jamoaga o'zbekistonlik muxlislarga yaxshi tanish Valeriy Nepomnyashiy ustozlik qilmoqda.
Bosh sahifaga
363