Bolalar futboli. Andijon viloyatida “Kelajak ligasi” start oldi

Safarlardan asosiy  maqsad viloyatlardagi mavjud vaziyatni chuqur o'rganib chiqish, musobaqalar sonini oshirish, bolalar ligalarini yo'lga qo'yishdan iborat bo'lgan.

Xozirgi kunga kelib viloyatlarda bolalar ligalari yo'lga qo'yildi va bahslar qizg'in davom etmoqda.

18 iyun kuni Andijon viloyatida ham  “Kelajak ligasi” start oldi. Unda 2007-2008, 2005-2006 hamda 2003-2004 yilda tug'ilgan bolalar ishtirok etmoqda.  Ushbu Bolalar ligasida Andijon viloyatidan jami 21 ta jamoa qatnashyapti. Musobaqalarda xar bir yosh toifalari 4ta hududga bo'lingan holda, bahslarga kirishishdi.

Musobaqa 2 bosqichda o'tkaziladi. Birinchi bosqichda jamoalar hududlarga bo'linib,  aylanma tarzda ikki davrada uyda- mehmonda o'yin olib borishadi. 2-bosqichda o'z hududlarida birinchi va ikkinchi o'rinlarni egallagan 8ta  jamoa ishtirok etadi. O'z xududlarida birinchi va ikkinchi o'rinni egallay olmagan jamoalar esa quyi ligada kuch sinashadi.