"Mening sevimli jamoam "Real Madrid". Albatta, qachondir imkon bo'lib, bu klub tarkibiga o'tish va jamoa tarkibida, o'sha top darajadagi o'yinlarda ishtirok etishni xohlardim", – degandi Lunin 2017 yil may oyida.
Kuni-kecha futbolchi "Qirollik klubi" bilan 6 yillik shartnomaga imzolaganidan xabaringiz bor albatta. Transfer narxi - 9 million evro deb baholandi.
Transfermarkt malumotlariga ko'ra, uning narxi - 3.5 million.
Andrey Lunin Xarkovdan 100 kilometr uzoqlikdagi Krasnograd shahrida tavallud topgan.
Xarkovning "Metallist" klubi tarbiyalanuvchisi hisoblanadi. 2015 yilda "Dnepr" bilan shartnoma imzolaydi va birinchi mavsumni yoshlar jamoasida o'tkazadi. Asossiy jamoa tarkibidagi debyutini 2016 yil oktyabr oyida nishonlaydi. O'z imkoniyatidan unumli foydalangan yosh posbon tezda Dneprning asosiy posboniga aylanadi.
Ukraina U-17 yoshlar terma jamoasi tarkibida yoshlar o'rtasida Evropa CHempionati-2016 ishtirokchisi hisobalanadi. Lunin o'sha musobaqada termasining asosiy darvozaboni bo'lgan. 2017 yildan U-19 termasiga chaqirila boshlagan. 2017 yil 23 may kuni Lunin ilk bor mamlakat asosiy terma jamoasiga chaqiruv oladi.
2017 yil iyun oyida darvozabon Luganskning "Zarya" jamoasiga o'tadi va 2017/18-yilgi mavsum yakunlariga ko'ra, klubning eng yaxshi futbolchisi deb tan olinadi.
Terma safida debyut 2018 yilning 23 martida Saudiya Arabistoniga qarshi o'yinla (1:1) amalga oshdi. SHu tariqa, Lunin Ukraina tarixida terma jamoa safida maydonga tushgan eng yosh darvozabon bo'lishiga imkon berdi.
Lunin ajoyib reakciya sohibi va mushtlari bilan ajoyib harakat qiladi, lekin doim ham to'pga chiqishda ishonchli har doim ham ishonchli harakat qilmaydi – shu borada yosh Lunin o'z ustida hali ko'p ishlashi zarur. Ammo uning eng asosiy ustun tomoni va etirofga sabab bo'lgan jihat bu uning sovuqqonligidir.
Ukraina terma jamoasi tarixidagi eng yosh darvozabon mavsumoldi tayyorgarlikka "Real" bilan yo'l oladi, ana o'sha erda futbolchining keyingi taqdiri aniq bo'ladi. Xulen Lopetegi yosh futbolchilarga etibor berishni xush ko'radi. Demak, yosh Andreyga ham imkon berishlari aniq.
Nozima Zaripova tarjima qildi
Bosh sahifaga
205
