Rossiyada o'tayotgan mundialni 3-tur oldidan rasman 8 jamoa tark etdi.
Mundialni tark etgan jamoalar: Saudiya Arabistoni, Misr, Marokash, Peru, Kosta-Rika, Panama, Tunis, Polsha.
Bu jamoalar uchun 3-tur o'yinlari shunchaki rasmiyatchilik bo'ladi.
JCH-2018ning 3-turi oldidan pley-off bosqichiga 6ta terma jamoa muddatidan avval yo'l oldi.
Nimchorak final masalasini hal etgan jamoalar: Rossiya, Urugvay, Franciya, Xorvatiya, Angliya va Belgiya.
Quyidagi jamoalar 3-turda guruh g'olibligi uchun kurash olib borishadi.
Eng qiziqarli guruh sifatida "D" hamda "F" "kvartet"larini etirof etish mumkin. Ushbu guruhlarda oxirgi tur oldidan barcha jamoalarda nimchorak finalga chiqish imkoniyati saqlanib qolgan.
Eng zerikarli guruh deya esa "G" "kvarteti"ni aytish mumkin. Bu erda 3-tur oldidan hech qanday intriga qolmadi. Angliya va Belgiya barcha masalani hal etdi. Bu jamoalar so'nggi turda o'zaro kim guruh g'olibiga aylanishini hal etishadi. Panama va Tunis esa autsayder maqomidan qochish uchun o'zaro kurashishadi.
Qolgan guruhlarda masala to'la hal bo'lgani yo'q.
JCH nimchorak final bosqichiga chiqish imkoniyatini saqlab qolgan terma jamoalar (18): Ispaniya, Eron, Portugaliya, Daniya, Avstraliya, Nigeriya, Islandiya, Argentina, Braziliya, SHveycariya, Serbiya, Meksika, Germaniya, SHveciya, Janubiy Koreya, Yaponiya, Senegal, Kolumbiya.
JCH-2018. Guruhlar, taqvim, to'purarlar ro'yxati va boshqalar.
P.S. Agarda jamoalar ochkolari bir xil bo'lib qolsa, unda reglament bo'yicha avvalo to'plar nisbati, shunda ham tenglik bo'lsa, unda qaysi jamoa ko'proq gol urganiga etibor beriladi. Bu borada ham tenglik qayd etilsa, unda o'zaro o'yinlar inobatga olinadi. Agarda shunda ham ko'rsatkichlar teng bo'ladigan bo'lsa, unda eng kam ogohlantirish olgan jamoa jadvalda yuqoriga ko'tariladi. Barcha ko'rsatkichlar teng keladigan bo'lsa, unda FIFA qo'r qura orqali g'olibni aniqlaydi.
Bosh sahifaga
2134