Kecha Qozog'istonning Aktobe shahriga etib keldik va bir kecha ushbu shaharda tunab qoldik. Barcha o'zbekistonlik futbol muxlislari yaxshi bilishadi, hamyurtimiz Aleksandr Geynrix Aktobe shahrining “Aktobe” jamoasida faoliyat olib borgan. Geynrix futbolchilik faoliyatinii yakunlagaanidan so'ng ushbu jamoada sport direktori lavozimida ish boshladi. Biz ushbu futbolchi bilan bog'lanishga erishdik. Afsuski, O'zbekiston milliy terma jamoasining sobiq futbolchisi bilan uyushtirilishi rejalashtirilgan intervyu ayrim bir sabablarga ko'ra amalga oshmay qoldi.
Nachora o'zbekistonlik futbolchi bilan safarimiz yakunida intervyu uyushtirishga yana bir bor urinib ko'ramiz. Biz bu bilan cheklanib qolmadik, aksincha, “Aktobe” jamoasining uy uchrashuvlari o'tkaziladigan stadionga borib u erni ko'zdan kechirishga muvaffaq bo'ldik. Aktobe shahriga qilgan safarimiz qisqa bo'lgani sababli bu er haqida to'liq malumotga ega bo'lmadik. Bu erning ayrim insonlari bilan suhbatlashganimizda ular bizning milliy taomlarimiz, tarixiy shaharlarimiz va bobokalonlarimizni tilga olib o'tishdi. Qaysidir manoda ushbu shahar menda iliq taassurot qoldirdi.
Guruch kurmaksiz bo'lmaydi deyishganidek ushbu shaharda ham kamchiliklar yo'q emas ekan. Bu erda juda ham ko'plab insonlar biz bilan suhbat qurishni, fikr almashishni istashmadi. Bir so'z bilan aytganda ular bilan muloqot qilishning deyarli iloji bo'lmadi. Bizning maqsadimiz bu emas, safarimizning asosiy maqsadi jahon chempionatini Rossiya mamlakatidan eksklyuziv tarzda saytimizda yoriitib borish. SHu maqsad sari tushlikdan so'ng navbatdagi manzilimiz tomon yo'lga chiqdik. Bizni oldinda Samara shahri kutmoqda.
Jahongir Sotvoldiev Aktobe shahridan maxsus.
Bosh sahifaga
247
