“Boshqacha o'yin kutgandik. Bilasiz, “SHerdor“ ortimizda kelmoqda. Safardagi o'yinda ham juda qiyin bo'lgandi. O'yindan o'yinga jamoamning saviyasi oshib bormoqda. Yutgan o'yinlarimizning ham moliyaviy pullari yigitlarga berilmoqda. Yigitlar nima maqsadda maydonga tushishayotganini bilishadi. Futbol shunday narsa, maydonga tushdingmi, bir maqsad yo'lida harakat qilishing kerak. Futbolchilar moliyaviy tomondan rag'batlantirib turilsa, ulardan talab qilishga ham oson bo'ladi. Futbolni aldab bo'lmaydi, to'g'ri o'ynaydigan bo'lsak, barchasi yaxshi bo'ladi. Mashg'ulotlarda yigitlarga himoya, yarim himoyada qanday o'ynash, hujumga qay tariqa tez o'tishni o'rgatyapmiz. Futbolda hujum qilmasdan gol urib bo'lmaydi. Himoya gol o'tkazib yuborishi mumkin, ammo hujum qilinmasa, albatta mag'lub bo'linadi. SHuning uchun ham bugun yigitlarga ko'proq to'pni o'zida ushlab, hujumga tezroq o'tishni ko'rsatma bergandim. Agarda mag'lub bo'lsak, bizga qiyin bo'lardi. Biroq g'alabaga erishdik. Bizni qo'llab-quvvatlagan barchaga rahmat aytaman. Xudo xohlasa, Farg'onadagi o'yinda ham chiroyli o'yin ko'rsatib, g'olib bo'lamiz degan umiddaman. Yigitlarga rahmat aytaman.
Elbek Ravshanov “Buxoro“ga ketdi. Abdurasul Komilov esa bugun Maldivga uchadi. Himoyachi Abdug'ani Kamolov esa o'z fikrini o'zgartirdi va jamoada qoldi. U “SHo'rtan“dagi raqobatni, o'yin amaliyotisiz qolib ketishi mumkinligini o'yladi. Bu erda har doim bahslarda maydonga tushmoqda. U 2000 yilda tug'ilgan. Bizning ishonchimizga kirib bo'lgan.Aniq ayta olmaymanku, biroq 3-4 yangi futbolchilarni olib kelamiz. 1999-2000 yilgi yigitlardan va bir nafar tajribali markaziy himoyachini transfer qilamiz. Hozir markaziy himoyada chap qanot himoyachisi Murod To'ychiboev va o'ng qanot yarim himoyachisi Ruslan Vagapov o'ynamoqda. Hozir bizga eng kerakli futbolchi - markaziy himoyachi.
29 iyunda “Iftixor“ bilan o'ynaymiz. U erdan kelib, 30 iyun kunida Toshkentdagi “To'qimachi“ stadionida “So'g'diyona“ bilan sinov-nazorat o'yinini o'tkazamiz. Yana bir necha o'rtoqlik o'yinlarini o'tkazish niyatimiz bor“, - dedi Vohid Xolboev.
Mirjalol Normatov suhbatlashdi
Bosh sahifaga
228
