Bugungi uchrashuvda raqiblarimiz bizdanda ko'proq vaziyatlarga ega bo'lishdi. Avvalo shuni aytish joizki, bugun raqiblarimiz juda faol o'yin namoyish etishdi. Biz bu jamoa avvalgisidan butunlay ijobiy tomonga o'zgaribdi.
Raqiblarimiz tomonidan uyushtirilgan ko'plab hujumlarni bazi vaziyatlarda himoyachilarmiz bartaraf etgan bo'lsa, bazi vaziyatlarda darvozabonimiz qutqardi. Bugun darvozabonimiz Muxriddin Axmedov juda yaxshi o'ynadi. Lekin o'tkazib yuborilgan golda darvozabonimizning bir oz aybi bor, oddiy vaziyatda gol o'tkazib yubordik. Bu gol raqiblarmizga ruhiy ustunlik berdi va jamoamiz bugungi o'yinda ancha qiyinchilikka duch keldi.
Bugun tarkibimizda yo'qotishlar bor edi. Asosiy tarkibda to'p suruvchi futbolchilarimizdan SHarifjon Mirzaev, Bunyodbek Abdumannonovlard jarohat tufayli ushbu uchrashuvni o'tkazib yuborishdi. SHuningdek bugun Karimberdi Mamadaliev, Zokirbek Nurmatovlar ham maydonda jarohat bilan to'p surishga majbur bo'ldilar, sababi zaxiramizda ushbu futbolchilarni o'rnini bosa oladigan futbolchilar yo'q.
Keta-ket har 4 kunda o'yin o'tkazayotganimiz, o'tgan turda Buxoro viloyatiga qilgan safarimiz jamoamiz azolarini ancha toliqtirib qo'ygandi. Bu xolat birinchi bo'lim davomida yaqqol ko'zga tashlandi. Ikkichi bo'lim oxirida biz 0:1 hisobida mag'lubiyatga uchrayotgan edik. Mana nega futbol 90 daqiqa o'ynaladi degan ibora bor? Jamoamiz futbolchilari uchrashuv yakunida o'z irodalarini namoyish etishdi, maydonda chinakam xarakter ko'rsatishdi. Yakunda biz g'alaba qozonib, navbatdagi 3 ochkoga ega bo'ldik.
Ayni damda biz turnir jadvalida 27 ochko to'plab, uchinchi o'ringa ko'tarilib oldik. Birinchi davrani yuqori o'rinda tugatmoqchimiz. Keyingi turda safarda “Xotira-79” jamoasiga qarshi maydonga tushamiz. Ikkinchi o'rinda borayotgan “SHerdor” jamoasi keyingi turda dam oladi, biz agar safarda “Xotira-79”ni mag'lub eta olsak, birinchi davrani ikkinchi o'rinda tugatishimiz mumkin.
Bekzod Tolibov yozib oldi.
Bosh sahifaga
2073