Butun hayotini futbolga bag'ishlagan V.G.Aleshnikov, dastlabki ish faoliyatini Surxondaryo viloyati Jarqo'rg'on tumanidagi BO'SMda boshlagan. 1977 yilda Respublika “Paxtakor” jamiyati Markaziy Kengashi tomonidan “Eng yaxshi murabbiy” deb topilgan. 1978 yildan esa hakamlik sohasini ham boshlagan. Respublika toifasidagi hakam sifatida O'zbekiston CHempionati, Kubogi bahslari hamda sobiq Ittifoq CHempionati uchrashuvlarini boshqargan.
Professional murabbiy sifatidagi ish faoliyatini 1994 yili Surxondaryoning “SHo'rchi” jamoasida bosh murabbiylikdan boshlagan. 2000 yillardan etiboran esa o'z taqdirini bevosita “SHo'rtan” jamoasi bilan bog'ladi. G'uzorda ko'p yillar bosh murabbiylikdan toki, murabbiy, futbol maktabi direktorligi, klubda avval texnik direktor, keyin esa sport ishlari bo'yicha direktor lavozimlarida fidokoran mehnat qilib keldi. O'tgan yillar davomida Viktor Aleshnikov jonkuyar ustoz sifatida juda ko'plab shogirdlarni tarbiyalab, kamolga etkazdi. Bugungi kunda uning shogirdlari jamiyatimizning turli sohalarida faol mehnat qilib, Vatanimiz ravnaqi uchun o'z bilim va ko'nikmalarini qo'shib kelishmoqda. Ulardan bazilar esa futbolda, jumladan Erkin Mirzaev, Botir Rasulov, Akmal Saitqulov “SHo'rtan” klubining o'zida samarali mehnat qilishmoqda.
Bugungi tavallud ayyomi munosabati bilan masuliyatli lavozimda faoliyat ko'rsatayotgan tajribali mutaxassis Viktor Aleshnikovga klub xodimlari va barcha muxlislari nomidan sog'lik, muvaffaqiyatlar, jamiyatimiz ravnaqi yo'lida olib borayotgan fidoiy mehnatlaridan o'sib kelayotgan yosh avlod vakillari o'rnak olishlarini tilab qolamiz.
Bosh sahifaga
116