Azim Ahmedov: Namanganlik muxlislarga rahmat aytaman

Xususan jamoa Navbahorda o'zini ko'rsatib, tajribasini oshirib borgan Azim Ahmedovni safga chorladi. Ahmedov namanganliklarning asosiy tarkib futbolchisi sifatida to'p tepib kelgandi. Endilikda u Paxtakor sharafini himoya qiladi. Uning sherlarga o'tishi rasman hal bo'lganidan so'ng kichik Ahmedov bilan suhbatda bo'ldik.

- Paxtakorga o'tishim shu yaqin kunlarda ijobiy hal bo'ldi, - deb gap boshladi Ahmedov. Bilasiz, har bir futbolchi kelajakda kuchliroq jamoada to'p tepishni va yutuqlarni qo'lga kiritishni istaydi. Aynan shunday istak menda ham bor edi. Paxtakor varianti yuzaga kelib qolganidan so'ng esa buni qabul qilishga qaror qildim. Albatta, bir to'xtamga kelishim oson kechgani yo'q. Birinchi navbatda akam bilan maslahatlashdim. Qolaversa, Navbahor murabbiyi va rahbariyatiga bu istagimni bildirdim. Barcha bilan o'zaro maslahatlashib bo'lganimdan so'ng Paxtakor safiga qo'shildim.

- Adashmasak, Sizga Neftchi jamoasi tomonidan ham taklif tushgandi, to'g'rimi?
- Takliflar bor edi. Lekin Paxtakordan tushgan taklif meni qiziqtirib qo'ygandi. SHu boisdan qolgan takliflar ustida o'ylab o'tirmadim. Osiyo CHempionlar ligasida o'ynash orzum. SHuningdek, bu klub bilan mamlakat chempioni va kubokida yutishni istayotganligim bois, sherlar safiga borib qo'shilishni ko'proq xohladim.