Tarkibida bir qator o'zgarishlar bo'ldi. Mashg'ulotlarda ham yangi futbolchilar ishtirok etmoqda .
Jizzax viloyati tarbiyalanuvchisi, mavsumni «Nasaf» tarkibida boshlagan Sanjar Rashidov yana jamoa bilan birga. Bir muddat «Mashal» jamoasida harakat qilgan xujumchi Ixtiyor Toshpo'latov ham tarkibga kelib qo'shildi. “Bunyodkor” jamoasi tarbiyalanuvchilari Nuriddin va SHoxjahon Xasanovlar Sergey Ivanovich qo'l ostida mashg'ulotlarda ishtirok etmoqda. O'zbekiston yoshlar va milliy terma jamoasida harakat qilgan, “Paxtakor”dagi o'yinlari bilan barchaga tanish bo'lgan Javohir Soxibov ham «So'g'diyona» bilan birga. Viloyat bosh jamoasi qolgan o'yinlarda kerakli ochkolarni to'plab, mavsumni yuqori o'rinlarda yakunlash maqsadida bir qator tajribali legionerlarni o'z safiga qo'shib olmoqda.
Rossiyaning «Moskva», «Ximki», «Luch Energiya», «Rotor», Belarussiyaning “Dinamo” Minsk, “SHaxtyor” jamoalarida faoliyat olib borgan darvozabon Ilya Gavrilov, “Napredok”, “Byulis” Skope, «Metallurg» Skope, 2016—2017 yillarda «Pembruk Atleta», 2017 yilda Belorussiya klubi «Torpedo-BelAZ», makedon jamoasi «SHkendiyu» da to'p so'rgan va mavsumni Muborakning «Mashal» jamoasida boshlagan himoyachi Jalil Asanilar ham jamoa mashg'ulotlarida ishtirok etishmoqda.
Ertadan jamoaning yig'inni poytaxtda davom ettiradi. Toshkentdagi yig'in davomida ham jamoa tarkibiga bir qator tajribali futbolchilar va legionerlar qo'shilishi kutilmoqda. Bizni kuzatib boring va barcha ishonchli malumotlar «So'g'diyona»ning rasmiy sahifalari orqali taqdim etib boriladi.
Bosh sahifaga
868