“Lokomotiv” matbuot xizmati jamoa himoyachisi Islom To'xtaxo'jaev bilan ushbu yig'in haqida kichik suhbat uyushtirdi.
- Islom, mashg'ulotlar qanday o'tmoqda? Jamoa ikkita uchrashuv o'tkazdi, ushbu uchrashuvlar qanday kechganligi to'g'risida o'z taasurotlaringiz bilan o'rtoqlashsangiz.
- Minsk yig'ini biz uchun ayni muddao bo'ldi. Bu erdagi ob-havo o'tkazilgan o'yinlardan keyin tezroq tiklanishga yordam beradi. Yana bu shaxar bizga begona emas, bir necha yildan beri Minsk shaxrida chempionatimizning keyingi davralariga tayyorgarlik ko'ryapmiz. O'tkazilgan ikki uchrashuvga kelsak, birinchi uchrashuvda ko'plab havfli vaziyatlar yaratishimizga qaramasdan rus klubiga imkoniyatni boy berib qo'ydik. Ikkinchi uchrashuvda esa yirik hisobda g'alaba qozondik. Yig'inlarda asosan natijalarga etibor berilmaydi. Eng avvalo jamoaviy o'yinni yanada kuchaytirish, yaratilgan vaziyatlarni golga aylantirish, o'z o'yin uslubimizni yanada takomillashtirish ustida ish olib boriladi.
- Superligada 15 ta uchrashuv yakunlandi. O'z o'yiningiz, “Lokomotiv” qayd etgan natijadan ko'nglingiz to'ldimi?
- Birinchi davradan hech kimning ko'ngli to'lmadi. Bu erda jamoa raxbariyati, futbolchilar, murabbiylar shtabi va albatta muxlislarimizning ham. Hozir jamoamiz o'ziga mos bo'lmagan o'rinda turibdi. Ikkinchi davrada endi birinchi davrada yo'l qo'yilgan xato va kamchiliklarni bartaraf etib yana o'zimizning joyimizga qaytamiz.
Bosh sahifaga
1953