Unda muxlislar bir qatlor qiziqarli bahslarga guvoh bo'ldi. Ayni paytda Rossiya davlatida nufuzi jihatdan dunyoda birinchi o'rinda turadigan jaxon chempionati o'yinlari bo'lib o'tayotganligi sababli ishqibozlarni PRO-Liga o'yinlari u qadar ko'p qiziqtirayotgani yo'q.
Aslida PRO-Ligada o'zi shundoq ham muxlislar tashrifi pasayib ketgan. Ayniqsa “V” guruhidagi uchrashuvlarga ko'pincha 500ta ham tomoshabin kirmayapti. Vaholanki ayrim joylarda o'yinga kirish tekin qilib belgilangan. SHunga qaramay PRO-Liga o'yinlari muxlislarda u qadar katta qiziqish uyg'ota olmayapti. Professional futbol ligasi rahbariyati balki ushbu jihatlarni ham inobatga olib, kamchiliklar ustida ish olib borar.
“V” guruhining 4ta o'yiniga jami 1801 nafar tomoshabin tashrif buyurgan! Bu esa har bir uchrashuvga o'rtacha 450ta muxlis demakdir.
Eng ko'p ishqiboz “Zomin” – “Iftixor” bahsida kuzatildi. Zominda kechgan uchrashuvni 1275 nafar tomoshabin bevosita stadionni o'zida kuzatib bordi.
G'ijduvonda esa aksincha vaziyat yuz berdi. Boisi “G'ijduvon” – “Labsa” o'yiniga atiga 58 (!) nafar tomoshabin tashrif buyurgan.
Tomoshabinlar tashrifi kimda qanday?
“YOZYOVON” – “LOKOMOTIV-BFK” 2:1
Yozyovon. “Markaziy” stadioni. 352 tomoshabin.
“G'IJDUVON” – “LABSA” 1:1
G'ijduvon. “Navro'z” stadioni. 58 tomoshabin.
“ZOMIN” – “IFTIXOR” 1:2
Zomin. “Markaziy” stadion. 1275 tomoshabin.
“NURAFSHON” – “SHERDOR” 6:1
Toshkent vil. “Do'stlik” stadioni. 116 tomoshabin.
Bosh sahifaga
248