Namangan viloyati, Uychi tumani jamoasida tayinli rahbariyat va bosh murabbiyning yo'qligi mahalliy muxlislarni chuqur iztirobga solmoqda. Xabaringiz bo'lsa kerak, yil boshida “Xotira-79” jamoasi bosh murabbiy sifatida Nozim Mullaoxunovni ro'yxatdan o'tkazgandi. Ammo keyinchalik murabbiy u erda uzoq vaqt ishlamadi va jamoa lagerini tark etdi. So'ngra rahbariyat boshqaruv postiga bungacha erkaklar futbolida bosh murabbiy sifatida ishlab ko'rmagan Naufal Boboevni olib keldi. Naufal Baxtiyorovich murabbiy sifatida “Bunyodkor” ayollar jamoasini boshqargandi. Erkaklar futbolida yosh mutaxassis o'zini ko'rsatish uchun astoydil eng shimarib ishga kirishgandi. Biroq jamoa ichidagi muhit Boboevni ham Uychida uzoq ishlay olmasligini ko'rsatib berdi.
Rahbariyat bo'shab qolgan postga yana Mullaoxunovni qaytarishni lozim topdi. Biroq murabbiyning ikkinchi qaytishi 2ta o'yingacha bo'ldi. Sababi ushbu murabbiy yana jamoaga bormay qo'ygan.
Jamoa futbolchilari bilan bog'langanimizda, oylik maosh tugul na yotoq, na ovqatlanish uchun sharoit borligini takidlab o'tishdi. Futbolchilar o'yin kuni to'g'ri stadionda yig'iladi va to'rtta to'pni olib, biroz “kvadrat” o'ynab, o'yinga kirishib ketadi. “Xotira-79”da o'zi bittagina murabbiy bor edi. Hozir shu ham yo'q. Futbolchilar o'yinlarga murabbiysiz tushmoqda. Rahbariyatda birgina ijrochi sifatida Ilhom Otavaliev qolgan.
Yuqoridagilardan kelib chiqib, “Xotira-79”dagi vaziyatdan o'zingiz uchun xulosa chiqarib olish qiyin bo'lmasa kerak. Ko'ramiz, bu holat qachongacha davom etar ekan.
Bosh sahifaga
1881