Zohir Pirimov: "O'rtoqlik uchrashuvlarida natija muhim emas"

“Mavsumga tayyorgarlik yaxshi ketyapti. Bugun amaldagi O'zbekiston chempioni “Paxtakor” klubiga qarshi birinchi o'rtoqlik uchrashuvini o'tkazdik. Bundayn o'yinlarda natija muhim emas, eng asosiysi yangi futbolchilarni ko'rikdan o'tkazish va keyingi mavsumga tayyorgarlik ko'rishdan iborat. “SHerlar” birinchi bo'limda darvozamizga ikkita gol urib ustunlikka erishishdi. Ikkinchi bo'limda qo'limizdan kelgancha harakat qildik va vaziyatni tenglashtira oldik va gol ham urdik. Menimcha durangga erishsak ham bo'lardi, lekin yaratilgan vaziyatlardan unumli foydalana ololmadik. O'yin so'ngida uchinchi golni o'tkazib yuborganimizdan so'ng hammasi hal bo'ldi.  

17 dekabrdan tayyorgarlikni boshlagan bo'lsak ko'proq jismoniy holatga etibor qaratyapmiz. Yanvar oyidan ikkinchi yig'inimiz boshlanadi, o'rtoqlik o'yinlari ko'payadi va o'yin amaliyotiga ham ega bo'lamiz", - deydi Zohir Pirimov.

Jahongir Sotvoldiev suhbatlashdi