Bekobodning “Metallurg” klubi safidagi o'yinlari bilan muxlislarga tanilgan, joriy mavsumning dastlabki yarmini “So'g'diyona” klubi safida o'tkazgan Dilmurod Karimov “Dinamo” jamoasi safiga qo'shildi. 29 yoshli yarim himoyachi “Dinamo” klubi bilan 2019 yil yakunigacha, yani 1,5 yillik shartnoma imzoladi.
Dilmurod Karimov Jizzax klubi safida ushbu mavsumda 11 o'yinda maydonga tushib, “Bunyodkor” va “Navbahor”ga qarshi o'yinlarda gol kiritgan edi.
Eslatib o'tamiz, PFL 18 iyundan yangi futbolchilarni ro'yxatdan o'tkazishga ruxsat bergach, “Dinamo” so'nggi 10 kun ichida 5 nafar yangi futbolchi - Akmal Xolmurodov (“So'g'diyona”), Abbosbek Jumaqulov, Suhrob Izzatov (“Bunyodkor”), Pavel Purishkin (“Metallurg”) va Dilmurod Karimovlar (“So'g'diyona”) bilan shartnoma imzoladi.
Bugun Pro-Liga 18-turi doirasidagi “Dinamo” – “Norin” uchrashuvida Pavel Purishkin va Dilmurod Karimovlar “Dinamo” safida debyut o'yinlarini o'tkazishlari mumkin.
“Dinamo” klubi ayni damda bir qator futbolchilar bilan muzokara o'tkazishda davom etmoqda. Bugun yakunlanadigan Pro-Liga ikkinchi davrasidan keyingi bir oylik davralar oralig'idagi tanaffusda jamoa tarkibida yana o'zgarishlar kuzatiladi.
Bosh sahifaga
223
