Qarshining "Nasaf" hamda Bekobodning "Metallurg" jamoalari o'rtasida kechgan o'rtoqlik o'yinida birgina gol bahs taqdirini hal etdi. Uchrashuvning 2-daqiqasida "Nasaf"ning markaziy nuqtadagi universal futbolchisi sanalgan G'olib G'aybullaevning goli "ajdarlar"ga g'alaba keltirdi.
SHuni qayd etish kerakki, "Nasaf" safida ushbu bahsda bir qator yoshlar va ko'rikdan o'tayotgan yangi legioner futbolchi maydonga tushgan. "Nasaf"ga o'z xizmatlarini taklif etgan rossiyalik hujumchi Nikolay Abramov zaxiradan maydonga tushdi. Hozircha ushbu futbolchi jamoada ko'rikda bo'lib turibdi.
O'zbekiston olimpiya terma jamoasiga ketgan Umid Ergashev, Aziz G'aniev, Odil Hamrobekov, Islom Kenjaboev va Bobir Abdixoliqov esa yaqin kunlarda jamoa lageriga kelib qo'shilishadi.
"Nasaf" ertaga Toshkentda normativ testlarni topshiradi.
"Nasaf"ning sparring raqibi bo'lgan "Metallurg" jamoasida safida ham bir qator o'zgarishlar ruy bergan. Xususan jamoa tarkibi "Paxtakor"dan kelgan Stanislav Andreev, "Neftchi"da mavsumni boshlagan Avaz Agaliev, "Qo'qon-1912"da o'ynagan Bahodir Pardaev va AGMKda to'p tepgan Otabek Zokirovlar bilan boyitilgan.
O'rtoqlik uchrashuvi.
"Metallurg" - "Nasaf" 0:1
Gol: G'olib G'aybullaev (2)
"Nasaf": Sanjar Quvvatov (Mashhurjon Muhammadjonov, 80), Saydullo Rahmatov, Maqsud Karimov, G'olib G'aybullaev, Dilshod Saitov, Umar Eshmurodov, Akmal Mozgovoy, SHarof Muhitdinov, Bobir Davlatov (Xudoyorxon Sadullaev, 77), Islom Rashidxonov (Sardor Sadullaev, 84), SHerzod Temirov (Nikolay Abramov, 62).
Bosh sahifaga
233