"Bilmadim, to'g'risini aytsam, bugun raqilar kuchli edik. Hisobda mag'lub bo'ldik, ammo "Iftixor"dan kuchliroq o'yin ko'rsata oldik deb o'ylayman. Ikki golni ham raqiblarga sovg'a qildik. O'tgan o'yinda g'olib bo'lganimiz, 2-pog'onadagi jamoadan 4 ochkoga o'tib ketganimiz yigitlarga qandaydir engillik berdi, shekilli, shogirdlarim biroz bo'shashgandek ko'rindi. Bugun ko'plab vaziyatlardan foydalana olmadik. Biroq mag'lubiyatda hech kimni ayblamayman. Ammo hechqisi yo'q. Biz hali ham oldindamiz. Oldindagi o'yinlarda g'oliblikka erisha olamiz.
Bugun o'ynadik, endi Toshkentga shoshilyapmiz. CHunki ertaga "So'g'diyona" bilan o'ynaymiz. Ushbu o'yinga bir necha yangi futbolchilarni chaqirganmiz. Hozircha ushbu futbolchilar bilan ishlar to'liqligicha bitmagani bois, nomlarni malum qila olmayman. Ertangi o'yin yakunlanganidan keyin "Nurafshon" futbolchilari 1 hafta dam olishadi. 11 iyul kuni "Andijon"ga qarshi bahs olib boramiz. Menimcha bu aniq bo'ldi.
Ha, transferlar oynasi ochilgan. Hozircha ikki futbolchini ko'z ostimga olib qo'yganman. Biroq jamoadan ketadiganlar yo'q. Barchaning o'yinidan qoniqish hosil qilyapman. Oripxo'ja Abduholiqovga "Mashal", Dostonbek Bahromov, Murod Rajabov va Dilshod Fayzievga Tojikiston jamoasi, Farruh SHotursunovga esa Superliga klubidan taklif tushdi. Ammo ular jamoani yarim yo'lda tashlab ketgisi kelmadi va "Nurafshon"da qolib, rejani oxirigacha etkazishni istashdi", - dedi Vohid Xolboev.
Mirjalol Normatov suhbatlashdi
Bosh sahifaga
1658