Ayni damda Pro-liganing "B" guruhida peshqadamlik qilayotgan Vohid Xolboev shogirdlarining Farg'onada mag'lub bo'lganini kutilmagan hol desak bo'ladi. O'tgan turda o'z maydonida "SHerdor"ni yirik 6:1 hisobida mag'lubiyatga uchratgan "nurafshon"chilarning safarda 5-pog'onadagi jamoaga yutqazib qo'yishini hech kim kutmagan bo'lsa kerak.
O'yin teng kurashlar ostida boshlandi. Ikki tomon ham ketma-ket hujumlar uyushtiraverishdi. O'yinning 40-daqiqasida burchakdan oshirilgan to'pdan keyin "Nurafshon" darvozaboni Ravshanbek Yagudin to'pga chiqdi. Biroq to'p undan o'tib ketdi. O'tkir burchakdan Dilmuhammad Hudoyberdiev futbolchi raqib darvozasini ishg'ol qildi, 1:0.
Golgacha "Nurafshon" futbolchisi Orifjon Hakimjonov bo'm-bo'sh darvozani ishg'ol qila olmadi. Goldan keyin esa Farruh SHotursunov ham yaxshigina vaziyat yuzaga kelgandi. Biroq uning ham omadi kelmadi.
Uchrashuvning 68-daqiqasida markazdan Murod Rajabovning oshirgan pasidan keyin Oripxo'ja Abduholiqov raqib darvozaboni bilan birga-bir vaziyatga chiqqandi. Ammo posbon uning o'ng oyog'iga qattiq tepdi. Hakam penalti belgiladi. 11 metrlik jarimani jabrlanuvchining o'zi aniq amalga oshirdi, 1:1. SHu orqali u Pro-ligadagi 13-golini urdi va to'purarlar poygasidagi yaqqol peshqadamga aylanib oldi.
Ikkinchi bo'limda ham ikki tomonda ko'plab vaziyatlar yuzaga keldi. Biroq vaziyatlarning faqatgina bittasidan unumli foydalanildi. 87-daqiqada o'ng qanotdan oshirilgan to'pni yana Dilmuhammad Hudoyberdiev darvozaga joylab qo'ydi, 2:1.
Ushbu mag'lubiyatdan keyin ham "Nurafshon" va 2-pog'onadagi "SHerdor" bilan orasidagi farq 4 ochkoligicha qoldi. Samarqand jamoasi bu turda dam oldi.
Pro-liganing birinchi davrasi yakunlandi. Endi jamoalar 1 oy davomida hordiq chiqarishadi. 19-tur uchrashuvlari 5 avgustga belgilangan.
Demak, o'yinning statistikasi bilan tanishib oling:
Burchak zarbalari: 6 - 4
Penaltilar: 0 - 1
Sariq kartochkalar: 1 - 0
Hujumlar: 100 - 102
Havfli hujumlar: 87 - 86
To'pni o'zida ushlab turish: 51 - 49
Darvozaga aniq zarbalar: 10 - 4
Noaniq zarbalar: 9 - 8
Bosh sahifaga
221
