Bu haqda O'FA matbuot xizmati xabar berdi.
Bugun 30 iyun kuni O'FA 1-vice-prezidenti Umid Ahmadjonov Jismoniy tarbiya va sport vaziri o'rinbosari SHarif Mo'minjonov hamda maxsus ishchi guruh bilan birgalikda, Jismoniy tarbiya va sport vazirligi hamda Milliy olimpiya qo'mitasi qo'shma qaroriga asosan, Qashqadaryo viloyati futbol associyasidagi umumiy holatni o'rganish va olimpiya sport turlarini rivojlantirish borasida amalga oshirilayotgan ishlar bilan yaqindan tanishish uchun Qarshi shahriga tashrif buyurdi.
Qarshi shahar aeroportida Umid Ahmadjonovni Qashqadaryo viloyati hokimi, viloyat futbol associaciyasi prezidenti Zafar Ro'ziev kutib oldi.
Takidlash kerak, tashrif davomida dastlab "Muruvvat" nogiron bolalar uyiga borilib, u erdagi bolakaylarga sovg'alar ulashish rejalashtirilgan.
SHuningdek, Qarshidagi Olimpiya zaxiralari ixtisoslashtirilgan maktab internati faoliyati bilan yaqindan tanishiladi.
"Nasaf" klubi o'quv-yig'in bazasi hamda klub akademiyasiga ham tashrif buyuriladi. Qarshi shahridagi "Markaziy" stadion ko'zdan kechiriladi.
Bundan tashqari, sobiq "Mehnat" o'yingohi o'rnida qurilayotgan sport majmuasida olib borilayotgan qurilish ishlari o'rganiladi. Va nihoyat viloyat hokimligining majlislar zalida Qashqadaryoda sport, xususan, futbol sohasini rivojlantirishda olib borilayotgan ishlar, yo'l qo'yilayotgan kamchiliklar bo'yicha yig'ilish o'tkaziladi va tegishli xulosalar qilinadi.
Bosh sahifaga
2074