Umid Ahmadjonov SHveycariyaga jo'nab ketdi

Bu borada Umid Mahamadjonovich FIFA Prezidenti Janni Infantinoning taklifiga ko'ra Cyurixga tashrif buyurib, FIFA strukturasi bilan yaqindan tanishgan va yaqin hamkorlik aloqalarini o'rnatgan edi. Buning samarasi o'laroq O'zbekiston terma jamoasi kuchli sparring raqiblar bilan o'rtoqlik uchrashuvlari tashkil eta oldi. Jumladan, bevosita Infantinoning yordami bilan jahon chempionati ishtirokchilari Senegal, Marokash va Urugvay terma jamoalariga qarshi o'rtoqlik uchrashuvlari o'tkazdi.

Endi esa Umid Ahmadjonov SHveycariyaga Xalqaro olimpiya qo'mitasi rahbari Tomas Baxning taklifiga ko'ra yo'l olmoqda. XOQ qarorgohi joylashgan Lozannada Umid Ahmadjonov Tomas Bax bilan uchrashuv o'tkazadi, butun dunyo Olimpiya oilasi va Olimpiya harakati bilan yaqindan tanishadi. Buenos-Ayres va Tokioda bo'lib o'tadigan Olimpiya o'yinlariga ko'rilayotgan tayyorgarlik hususida fikr almashadi, qolaversa dunyo sportida yuz berayotgan yangiliklardan boxabar bo'ladi va albatta xalqaro aloqalarni mustahkamllash yo'lida o'ziga xos ko'prik o'rnatadi.

Albatta bu hamkorlik yaqin vaqt ichida o'z samarasini berishi aniq. O'zbekiston nufuzli xalqaro sport tashkilotlari bilan hamkorlik qilishdan manfaatdor. SHveycariyaga amalga oshirilayotgan tashrif har tomonlama unumli va samarali bo'lishini kutib qolamiz.

MOQ rahbarining SHveycariyaga tashrifi, u erda o'tkaziladigan muzokaralar natijasi bilan Milliy olimpiya qo'mitasining rasmiy sayti orqali xabardor bo'lib borishingiz mumkin bo'ladi.