“SHo'rtan” yig'inni yakunlab, qisqa tatilga chiqdi

Klub matbuot xizmatining malumot berishicha, jamoa kuni-kecha tayyorgarlikning dastlabki bosqichini yakunladi. Yangi yil bayrami munosabati bilan futbolchilarga qisqa muddatli tatil elon qilindi.  G'uzorliklar yig'inning so'nggi kunlarida Qarshida “Nasaf” bilan o'zaro sinov-nazorat uchrashuvini o'tkazdi. Qashqadaryo derbisida jangavor durang qayd etildi – 2:2. 

“SHo'rtan” shu kuni quyidagi tarkibda xarakat qildi: Akmal Rahimov, Olim Karimov, Elyor Intizomov, Laziz Ubaydullaev, G'ulom Rahmonov, Eldor Boymatov, Samandar SHodmonov, Abbos Amonov, Xolmurod Xolmurodov, Zafar Polvonov, Yusuf Bo'riev.

Zaxiradan tushganlar: Ilyos Tog'aev, Bobur To'raev, Alisher Ibragimov, SHahzod Xursanov, Timur Komiljonov, Nurali Padarov, Mirmuhsin Rustamov. 

Gollarga Xolmurod Xolmurodov bilan zafar Polvonov mualliflik qilganini aytish joiz. Darvoqe, “Mashal” klubi tarbiyalanuvchisi bo'lgan iqtidordi futbolchi Xolmurodov “SHo'rtan”ning dastlabki o'quv-yig'in mashg'ulotlarida ishtirok etdi. SHuningdek “Do'stlik-AIN” futzalchisi Alisher Ibrgaimov ham o'zini kelasi yil katta futbolda sinab ko'rmoqchi. Sababi bu futbolchi ham “SHo'rtan”ning yig'inida qatnashdi. Asosiy tarkib azolari bo'lgan Igor Taran va Eldor Tojiboevning shu kuni betobligi sabab murabbiylar o'yinga tushirmadi. Sunnatilla Mamadaliev ham mashg'ulotlarda ishtirok etgan. 

Aytish lozimki, g'uzorliklarning mazkur yig'ini Zoir To'raqulov va Erkin Mirzaev boshchiligida o'tdi. Joriy mavsum jamoa sharafini himoya qilgan Roman Abdulov, Umar Eshmurodov, Husniddin G'ofurov, Murod Rajabov, Mirzakamol Kamolov, Suhrob Berdiev, G'ulom Haydar G'ulomov, Darko Stanoevich, SHerzod SHaripov, Sarvar Jo'raev kabi futbolchilar “SHo'rtan”ning ilk yig'inida ishtirok etmadi. Ularning keyingi taqdiri hozircha so'roq ostida. 

SHuningdek bosh murabbiy Muxtor Qurbonovning ham keyingi taqdiri mavhumligicha turibdi. Agarda rahbariyat barcha bilan to'liq hisob-kitob qilinsa, Qurbonov faoliyatini davom ettirishi mumkin. SHunda katta extimol bilan jamoa bilan xayrlashishi mumkin bo'lgan o'yinchilar ham ortga qaytadi. Bu masala yangi yil bayramidan so'ng aniq bo'lishi aytilayotir. Olingan malumotlarga ko'ra, jamoa asta-sekin qarzdorliklarni bartaraf etmoqda. G'uzorliklarning keyingi yig'ini 4 yanvardan boshlanishi rejalashtirilgan.