Kim qaysi terma jamoada to'p surishi, qaysi terma jamoa qanday natijalarga erishganligi bu chempionatda ahamiyatsiz, yo'lda davom etishing uchun qarshingdan kim chiqsa albatta yutishing shart.
Rossiya yashil maydonlarida o'tayotgan futbol bo'yicha 21-jahon chempionatiga tarkibida Inesta, Isko, Ramos, Pike kabi mashhur futbolchilari bor Ispaniya keldi. Bu terma jamoaning o'yinlaridan zavqlandik, miriqib tomosha qildik. Kimga qanaqa, har kimning o'z dunyoqarashi bor, shaxsan menga bu chempionatda Ispaniya terma jamoasi tarkibida Isko va Inestaning o'yinlari yoqdi. Lekin afsuski, nimchorak finalda mezbonlari bilan to'qnash kelgan Ispaniya mundialni tark etdi, ha endi biz ularning o'yinlarini bu chempionatda ko'rmaymiz.
Bu shafqatsiz chempionat bizning Osiyo qitasining eng so'ngi vakili Yaponiya terma jamoasidan ham ayirdi. Bu terma jamoa nimchorak finalda ushbu mundialda favoritlar qatorida etirof etilayotgan Belgiya terma jamoasi bilan to'qnashdi, mardlarcha kurashdi, bizning qarashimizga ko'ra engilmadi, shunchaki raqibdan ko'ra ko'proq gol o'tkazib yubordi xolos. SHu tariqa bu chempionatda qitamizning eng so'ngi vakilini ham kuzatib qo'yishga majbur bo'ldik.
JCH-2018ga tarkibida Kasper SHmeyxel, Kristian Eriksen kabi mashhur futbolchilari bo'lgan Daniya keldi. Ular nimchorak finalda Xoravatiya terma jamoasi bilan uchrashdi, asosiy va qo'shimcha vaqtlarda g'olib aniqlanmadi, penaltilar seriyasida omad ulardan yuz o'girdi. Ha shafqatsiz turnirni Daniya terma jamoasi ham tark etdi.
Siz JCH-2018ni ko'rishda davom etib bu mundial yangi nomlarni, yangi iqtidorlarni kashf qilishda davom etadi. Oldinda turgan chorak finallar bundanda qiziqarli o'tishi turgan gap, zero bizni Belgiya-Braziliya uchrashuvi kutmoqda. Ana undlan keyin yana fikrlasharmiz...
Bekzod Tolibov.
Bosh sahifaga
1075