O'zbekiston olimpiya terma jamoasining Osiyo chempionatiga boradigan tarkibi malum

2015-12-30 11:40:01 / Kiritdi: BestMaster O'qilgan: 2070

O'zbekiston olimpiya terma jamoasi bosh murabbiyi Samvel Babayan yanvar oyida Qatarda bo'lib o'tadigan 23 yoshgacha bo'lgan futbolchilar o'rtasidagi Osiyo chempionatiga tarkibni elon qildi.

Toshkent va Dubayda tashkil etilgan ikki bosqichli yig'in davomida Samvel Babayan boshchiligidagi murabbiylar shtabi bir qancha nomzodlar orasidan 23 nafar futbolchini saralab oldi. Ular orasida O'zbekiston milliy terma jamoasining azolari Javohir Sohibov, Doston Hamdamov, Jamshid Iskanderov, Ikrom Aliboev, Eldor SHomurodov va Igor Sergeev kabi futbolchilar bor.

Tarkib asosan O'zbekiston milliy chempionatida o'ynaydigan futbolchilar hisobiga qurilgan bo'lib, ular orasida faqatgina bir legioner bor. Serbiyaning “Yavor” klubi futbolchisi Xusniddin G'ofurov terma jamoadagi yagona legionerdir.

Toshkent va Dubaydagi yig'in davomida ayrim futbolchilarning sog'lig'i joyida emasligi malum bo'ldi va Samvel Babayan olimpiya terma jamoasi tarkibiga kirib ulgurgan ikki futbolchining xizmatlaridan foydala olmaydigan bo'ldi. Terma jamoaning asosiy tarkibi azolari sifatida ko'rilishi kutilgan “Lokomotiv” himoyachisi Bobur Yo'ldoshev va “Nasaf” azosi Odilbek Hamrobekov tibbiy ko'rikdan o'tolmadi va ularga O'zbekistonda futbol bilan shug'ullanishdan vaqtinchalik tiyilish tavsiya etildi.

23 nafar futbolchidan iborat O'zbekiston olimpiya terma jamoasi 2016 yilning 2 yanvar kuni navbatdagi yig'inda ishtirok etish uchun Dubayga jo'nab ketadi. Dubay yig'ini tugagach, delegaciya yanvarda Qatarga yo'l oladi.

O'zbekiston terma jamoasi 23 yoshgacha bo'lgan futbolchilar ishtirokidagi Osiyo chempionatida “S” guruhidan Iroq, Janubiy Koreya va Yaman terma jamoalari bilan joy egallagan. 12 yanvarda start oladigan Osiyo chempionatini o'zbekistonlik olimpiyachilar 13 yanvarda Janubiy Koreyaga qarshi o'yin bilan boshlaydilar. So'ngra 16 yanvarda Iroq bilan, 19 yanvarda esa Yaman bilan o'ynaydilar.

Ushbu Osiyo chempionati Braziliyada bo'lib o'tadigan yozgi olimpiada o'yinlariga yo'llanma beruvchi turnir hisoblanib, unda Osiyoning 3 ta jamoasi, ikki finalchi va 3-o'rin uchun uchrashuv g'olibi mavjud 3 ta yo'llanmani qo'lga kiritadi.

Quyida O'zbekiston olimpiya terma jamoasining Osiyo chempionatiga boradigan 23 futbolchidan iborat tarkibini keltirib o'tamiz.

#	Ism-familiyasi	Tug'ilgan sanasi	Ampluasi	Klubi
1	Abdumavlon Abduljalilov	22.12.94	Darvozabon	“Neftchi”
2	Javohir Ilyosov	06.02.94	Darvozabon	“Mashal”
3	Asilbek Omonov	01.09.93	Darvozabon	“Qo'qon-1912”
4	Sardor Rahmonov	09.07.94	Himoyachi	“Neftchi”
5	Abdulloh Olimov	11.02.93	Himoyachi	“Paxtakor”
6	Maksimilyan Fomin	21.09.93	Himoyachi	“Buxoro”
7	Javlon Mirabdullaev	19.03.94	Himoyachi	“Metallurg”
8	Muxsinjon Ubaydullaev	15.07.94	Himoyachi	“Paxtakor”
9	Akromjon Komilov	14.03.96	Himoyachi	“Bunyodkor”
10	Doston Tursunov	13.06.95	Himoyachi	“Neftchi”
11	Jamshid Boltaboev	03.10.96	Himoyachi	“Paxtakor”
12	Vladimir Kozak	12.06.93	Himoyachi	“Paxtakor”
13	Javohir Sohibov	01.03.95	Yarim himoyachi	“Paxtakor”
14	Otabek SHukurov	22.06.96	Yarim himoyachi	“Bunyodkor”
15	Doston Hamdamov	24.07.96	Yarim himoyachi	“Bunyodkor”
16	Jaloliddin Masharipov	01.09.93	Yarim himoyachi	“Paxtakor”
17	Timur Hakimov	23.08.94	Yarim himoyachi	“Oq-tepa”
18	Jamshid Iskanderov	16.10.93	Yarim himoyachi	“Paxtakor”
19	Ikromjon Alibaev	09.01.94	Yarim himoyachi	“Lokomotiv”
20	Husniddin Gafurov	29.07.94	Yarim himoyachi	“Yavor”(Serbiya)
21	Igor Sergeev	30.04.93	Hujumchi	“Paxtakor”
22	Eldor SHomurodov	29.06.95	Hujumchi	“Bunyodkor”
23	Jasurbek Hakimov	24.05.94	Hujumchi	“So'g'diyona”

Teglar: ozbekiston, olimpiya, terma, jamoasining, osiyo, chempionatiga, boradigan, tarkibi, malum,
← Oldinga Orqaga →