"Biz dastlabki daqiqalarda yaxshi o'ynadik va birinchi bo'lib gol urdik. Keyinchalik bosim paydo bo'ldi. SHu boisdan o'yindan oldingi tuzilgan rejalar ish bermadi. Futbolchilarim o'zlarini ko'rsata olishmadi. Ko'plab gollar qo'yib yubordik. Raqiblar kuchli o'yin namoyish qildi. O'yin davomida O'zbekiston termasini yaxshigina qo'llab-quvvatlashdi. Bu ham g'alabaning bir omili bo'ldi, futbolchilarga kuch bag'ishladi. Tanaffusda futbolchilarimga to'p bilan ko'proq bo'lib, o'yinni nazorat qilishlarini ko'rsatma bergandim. Ammo ikkinchi bo'limning boshida penaltini ura olmadik. Bu ham yigitlarga qo'shimcha bosim berdi.
Biz ikki yil oldin yig'ilganmiz. O'shanda 14 yoshgacha bo'lganlar termasi nomi ostida yig'inlar olib borgandik. SHu vaqt davomida ko'plab muammolar bo'ldi. Tarkibning katta qismi o'zgardi, yangilanishlar bo'ldi. Ramazon oyida ham futbolchilar shug'ullanishdi. Ammo sharoitlar yaxshi bo'lmagani uchun bir tan bir jon bo'la olmayapmiz.
To'g'ri, biz chempionlikni himoya qilishimiz kerak edi. Ammo birinchi o'yindagi mag'lubitga qaramasdan bizda imkoniyat bor. Turnirga yaxshi sharoitda tayyorgarlik ko'ra olmadik. Buni tushuntirish qiyin. Ammo vaziyatga qarab harakat qilamiz.
Bo'lajak Osiyo chempionatida birinchi marta ishtirok etyapmiz. Umuman olganda Afg'oniston barcha yosh kategoriyalarida ilk marta Osiyo chempionatida qatnashadi. Bu turnirda biz guruhdan chiqishni rejalashtiryapmiz. Ushbu turnir orqali biz yaxshi futbolchilarni saralab olishimiz kerak. Menda bundanda yaxshiroq futbolchilar bor. Biroq bu turnirda biz futbolchilarni saralab olishga majburmiz", - dedi murabbiy.
Bosh sahifaga
2010