Kuni kecha Rossiya poytaxti Moskva shahriga 1060 kilometr yo'l bosib etib keldik. Bu erda birinchi bo'lib Moskvaning yuragi bo'lgan "Qizil maydon"ga tashrif buyurdik.
U er deyarli barcha davlatlardan kelgan mehmonlar bilan har kuni gavjum bo'lmoqda. Ushbu "Qizil maydon" yaqinida futbol muxlislari uchun ajoyib ko'ngilochar maydoncha barpo etilgan. Futbol muxlislari u erda bemalol vaqtini chog' o'tkazishi uchun barcha sharoitlar yaratib berilgan. Maxsus hududga kirib kelishingiz bilan sizni volantyorlar kutib olishadi va o'zingiz istagingizga qarab u er bilan sizni tanishtirib o'tishadi. Hududda futbol o'ynash uchun 2ta kichik hajmdagi maydoncha bor. Xohlasangiz o'z jamoangizni tuzib u erda futbol o'ynashingiz mumkin. Bundan tashqari bu erga kirib kelishingiz bilan sizga jahon chempionatining maxsus dasturini taqdim etishadi. Bu haqida keyinroq batafsil malumot berib o'tamiz.
"Qizil maydon"da yana bir etiborga molik joy barpo etilgan. U erda FIFAning maxsus do'koni futbol muxlislari uchun tinmay xizmat qilmoqda. Maxsus do'konga kirishingiz bilan o'zingizni xuddi boshqa olamga tushib qolganday xis qilasiz. Rossiyada bo'libb o'tayotgan jahon chempionatiga tegishli barcha buyumlarni ko'rib, o'zingizga yoqganini sotib olishingiz va yaqinlaringizga sovg'a qilishingiz mumkin.
Do'kondagi barcha buyumlar quyidagi narxlarda sotilmoqda.
TELSTAR to'pining nusxasi 3500 rubl - 450 000 "o'zbek so'mida"
JCHning guruh bosqichida o'ynalgan rasmiy TELSTAR to'pi 9 000 rubl - 1 200 000 "o'zbek so'mida"
JCHning maxsus brelok 500 rubl - 66 000 "o'zbek so'mida"
Zabivaka kichigi 800 rubl - 105 000 "o'zbek so'mida"
Zabivaka o'rtanchasi 1500 rubl - 198 000 "o'zbek so'mida"
Zabivaka kattasi 2 000 rubl - 264 000 "o'zbek so'mida"
JCH kubogining surati tushirilgan maxsus futbolka 500 rubl - 66 000 "o'zbek so'mida"
JCHning maxsus bosh kiyimi 1 500 rubl - 198 000 "o'zbek so'mida"
Maxsus ryukzak 3 400 rubl - 456 000 "o'zbek so'mida"
JCHning maxsus TELSTAR to'pi
TELSTAR to'pining nusxasi
Zabivaka
Yuqorida ko'rsatilgan barcha buyumlarni bemalol navbatsiz xarid qilishingiz mumkin.
Bu erga tashrif buyurgan muxlislar o'zlarining dastxatlarini esdalik uchun qoldirishmoqda
"Liverpul"ning sobiq futbolchisi Luis Xaver Garsiya Sans muxlislarga dastxat ulashmoqda
Rossiyalik hamkasblarimiz o'z ishlari bilan band
O'zbekistonlik futbol muxlislari bilan birga "Qizil maydon"da
Moskva shahrida joylashgan "Otkritie Arena"
FIFAning rasmiy do'konidan tashqariga chiqishingizda o'ng tomonda dunyo futbolining mashhur futbolchilari bilan esdalik uchun suratga tushishingiz mumkin. Biz u erga borganimizda ispaniyalik futbolchi Luis Garsiyani uchratib qoldik va esdalik uchun suratga tushdik.
SOTVOLDIEV Jahongir Moskva shahridan maxsus
Bosh sahifaga
128