"Turnirning birinchi o'yini ruhiy tomondan ham futbolchilar uchun juda muhim edi. Bunday ob-havoda futbol o'ynash juda qulay bo'ldi. Yigitlarim yaxshi o'yin ko'rsata olishdi. Himoyadan hujumga o'tishda ishonchli harakat qilishdi. Birinchi bo'limda biz yo'l qo'ygan xatolarimiz evaziga ikkita gol qo'yib yubordik. Bu yoshdagilar ko'p xatolarga yo'l qo'yishadi. Qizil kartochka ham yigitlarga tasir qilmadi. SHogirdlarim xarakter ko'rsata olishdi.
Durang o'ynadik, Tojikiston termasi bilan durang yomon emas. Qarshi hujumlarda, undan tashqari yaratilgan vaziyatlardan foydalanmaganimiz uchun durangni emas, g'oliblikni qo'lga kiritishimiz ham mumkin edi. Raqiblar ham vaziyatlarni ko'kka sovurganini hisobga olsak, barchasi joyida.
Tojikiston termasi ham anchagina yaxshi. Kuchli o'ynashmoqda, faqatgina oldinga harakat qilishmoqda. Ikkinchi va uchinchi zonada o'yinni nazorat qilishmoqda, iloji boricha ko'proq zarbalar berishga intilishar ekan. Tojikiston termasida yaxshi futbolchilar yig'ilgan, ularda kuchli terma bor", - dedi Jumakeev.
Bosh sahifaga
228