CHorak finalda to'qnash kelgan Urugvay va Franciyaning yo'llari bir-biriga o'xshash. Har ikki jamoa ham guruh bochqichida birinchi o'rinni egallagan. Urugvayliklar guruhda Saudiya Arabiston, Misr va Rossiyani mag'lub etib, eng yuqori ochkoga ega bo'lgandilar. Franciya ham Avstraliya va Peru ustidan g'alaba qozonib, Daniya bilan o'yinda esa durrang natijani qayd etgandi. 1/8 final bosqichida har ikka terma guruhda 2-o'rinni egallagan favorit jamoalarga qarshi kurashib, ularni ham engib o'tishdi. Urugvay termasi Portugaliya ustidan 2:1 hisobda g'alaba qozongan. Franciya esa 4:3 hisob bilan Argentinani ortda qoldirib ketgandi. SHunday ekan, bugungi uchrashuvda ikki jamoa ham o'zaro mos va bir-biridan kuchli.
Uchrashuvlar tarixi
XXI asrda bu ikki terma o'zaro uchrashuvlarda nechta gol urishganini, bilasizmi? Bor yo'g'i bitta! O'yinlar soni esa 5ta. Faqat 2013 yildagi o'rtoqlik bahsida 1:0 xisob bilan Urugvay g'alaba qozongan. Bunga qadar esa 2012 yilgi o'yinda durrang (0:0) natija qayd etilgan. JCH-2010 guruh bosqichida esa Urugvay va Franciya o'rtasidagi uchrashuv eng zerikarli o'yinlardan biri bo'lgandi. JCH-2002da ham hisob 0:0 bilan yakunlangan. SHuningdek, 2008 yilgi bahsda ham hisob ochilmagan. Umuman olganda, bu statistika bilan bugungi o'yin natijasi haqida bir narsa deyish qiyin. Lekin, bu yilgi turnir natijalari va o'yinchilariga qarab tahmin qilish mumkin.
Urugvay terma jamoasi
Urugvayda uni «Buyuk murabbiy» deb atashadi. Umrining asosiy qismini murabbiylik bilan shug'ullanish bilan o'tkazgan Tabares 2006 yildan beri Urugvay termasini boshqaradi. Bu jamoani Oskar Tabaressiz tasavvur qilish qiyin. U urugvaylik barcha futbolchilar to'g'risida yaxshi biladi. Hattoki, ularning tibbiy malumotlarini ham yoddan aytib bera oladi. Oskar bir necha marotaba tarkibni tubdan o'zgartirgan. Biroq, har safar kuchli o'yinchilardan iborat jamoa tuza olgan va u bilan faxrlansa bo'ladi. Avvaliga, hozirgi terma jamoaning asosiy kuchi faqat Edinson Kavani va Luis Suares ekandek ko'rinadi. Biroq, hammasi ham siz o'ylagandek emas. Urugvayliklarning haqiqiy kuchi muvozanatni saylay olishlari va himoyasi kuchli ekanidadir. 2018 yilda Urugvay faqat bitta gol o'tkazib yubordi. U ham bo'lsa, 1/8 final bosqichida Portugaliya tomonidan yo'llangan to'p Urugvay darvozasini ishg'ol etdi. Unga qadar bo'lgan 6ta o'yinda ham ular gol o'tkazib yuborishmagandi. Mana shu Urugvayning haqiqiy kuchi hisoblanadi.
Urugvay termasining tahminiy tarkibi (4-3-1-2): Muslera – Kaseres, Ximenes, Godin, Laksalt – Nandes, Torreyra, Vesino – Bentankur – Suares, Stuani.
Franciya terma jamoasi
Franciyaning tarkibi va tanlovi ko'proqliki Urugvaynikidan uchtunroq. Biroq, Dide Disham futbolchilarning aniq tarkibi haqida chuqur o'ylab ko'rishi kerak. SHunda Tabaresga o'xshab maydonga kimlarni tushurish kerakligini aniq biladi va bu borada bosh qotiravermaydi. Guruh bosqichida Franciyaga sifat va o'yin uslubi borasida bir nechta etirozlar bo'lgandi. Ular guruhda o'z ishini bir amallab uddalashdi. Biroq, pley-offda tez va hujumkor o'yin ko'rsatishdi. Turnir boshidan muxlislar francuzlardan ana shuni kutishgandi o'zi. Lekin ular faqatgina pley-offda buni namoyish eta oldilar. Umuman olganda, Pogba va Kante ishtirokidagi himoya zonasi shunchaki ajoyib. Ularga bu borada Matyuidi yordam berolmaydi, chunki u o'yindan chetlashtirdi. Lekin hozirgi tarkib ham juda kuchli.
Franciya termasining tahminiy tarkibi (4-3-3): Loris – Pavar, Varan, Umtiti, Ernandes – Kante, Pogba, Tolisso – Mbappe, Jiru, Grizmann.
Duellar
Himoya borasida juda kuchli bo'lgan Urugvay va hujum borasida ko'plab jamoalarni ortda qoldirib keta oladigan Franciya o'rtasidagi bugungi bahs ajoyib va qiziqarli o'tishi aniq. Grizmannga bo'lgan bosim tufayli chempionatda o'zini to'liq ko'rsata olgani yo'q. SHu sababli, u bugun bor kuchi bilan harakatlanishi aniq. Franciya Matyuidisiz biroz kuchsiz ko'rinadi. Biroq, agar albatta Desham sxemani o'zgaritirmasa, uning o'rnini Tolisso egallaydi va havotirga o'rin qolmaydi. Yana zaxirada Fekir va Toven juftligi ham bor. Bundan tashqari, Pavar va Ernandes juftligi himoyada Laksalt va Kaseresdan qolishmaydi. Biroq, Deshamning imkoniyatlari talaygina. Ularning o'rniga yana ikki himoyachisi Sidibe va Mendi bor. Dide istagan payti futbolchilar o'rni almashtirishi mumkin. Xulosa o'rida shuni aytishimiz mumkinki, Urugvay va Franciya o'z ananalarini biroz o'zgartirib, bugun yorqin va ajoyib o'yin ko'rsatishlariga umid qilamiz.
soccer.ru saytidan Nozima Zaripova tarjimasi
Bosh sahifaga
1710