Neftchining yangi matbuot guruhi tasdiqlandi
/ Kiritdi: BestMaster O'qilgan: 1096
30 dekabr kuni “Neftchi” PFK qarorgohida jamoa rahbariyati ishtirogida kichik yig'ilish bo'lib o'tdi.
Yig'ilishni olib borgan klub raisi Salimjon Zokirov “Neftchi”ning yangi matbuot xizmati guruhini malum qildi. Ko'plab muxlislarning talab va istaklariga ko'ra, matbuot xizmatiga rahbar etib uzoq yillardan buyon jurnalistika sohada faoliyat olib borayotgan Bahodir Ergashev tayinlandi. SHuningdek, guruh tarkibidan “Ruxsor” TRK muxbiri, yosh ijodkor Hojiakbar Jabborov o'rin oldi. Klubda 3 yildan buyon faoliyat olib borayotgan tasvirchi Rustam Meliboev ham ushbu guruhning vakili sifatida tasdiqlandi.
Umid qilamizki, bu xabar Yangi yil bayrami arafasida jamoa muxlislarini quvontiradi. 2016 yilning ilk oyidan boshlab matbuotda “Neftchi” PFKga oid so'nggi xabarlar bilan tanishib borishingiz mumkin.
Kirib kelayotgan Yangi yilingiz muborak bo'lsin! Yangi 2016 yil sevimli jamoamiz “Neftchi” uchun muvaffaqiyatlarga boy bo'lsin.
“Neftchi” klubi matbuot xizmati
Bosh sahifaga
901