Fellayni: "BBCda meni mahluq deb atashdimi?"

"Biz texnik jihatdan yaxshi tayyorgarlikka ega terma bilan bahs olib bordik. Braziliyaliklar to'pni nazorat qila olishdi. G'alaba esa jamoaviyligimizning mevasidir. Har bir futbolchining natijadagi o'rni, hissasi juda katta. Biz yaxshi himoyalandik, Braziliya yaxshi hujum qildi.

BBCdagilar meni mahluq deyishdimi? Terma uchun qattiq harakat qilaman. Aytganimdek, bugun kuchli termani yutdik. Oldinda yarim final bor, bu esa men uchun eng muhimi. Men haqimda nimalar deyishayotgani esa qiziqtirmaydi. Men o'z maqsadlarim haqida o'ylayman. Franciya termasida biz qo'rqadigan futbolchilar yo'q. Albatta, ularda yulduzlar, iqtidorli va tajribali futbolchilar juda ko'p. Biroq ularning xavfliligi jamoaviyligida", - dedi futbolchi.