Karlush Keyrush: "Osiyo Kubogiga tayyorgarlikni 15 kun qolganida boshlash kerak emas"

Malumki, Eron JCH-2018da guruhdan chiqa olmagan bo'lsa-da, o'z o'yini bilan ko'pchilikda iliq taassurot qoldirdi. Forslar Marokashni 1:0 hisobida mag'lub etishgan bo'lsa, Ispaniyaga 0:1 hisobida yutqazib qo'yishdi va Portugaliya bilan 1:1 o'ynashdi.

"Men terma jamoaning shu darajaga chiqishida kimlar yordam bergan bo'lsa, hammaga rahmat aytishni xohlayman. Biz eronlik muxlislarning, umuman Eron xalqining ko'cha-ko'yda g'ururlanib yurishi uchun qo'ldan kelgancha harakat qildik".

"Jahon chempionatidan oldin ko'plab odamlar imkoniyatlarimizni past baholashgandi. Eron hamma o'yinni yutqazib qaytadi deb o'ylashgandi. Bizga guruhdan chiqish uchun ozgina omad etishmadi, lekin ishtirokimizdan qoniqdim".

"Endi bor etiborni Osiyo Kubogi-2019 musobaqasiga qaratamiz. 42 yil deganda to'rtinchi marta turnirda g'olib chiqishni istaymiz. Lekin bu oson bo'lmaydi. CHunki musobaqada boshqa kuchli jamoalar ham bo'ladi. Masalan, Yaponiyani olaylik. Bu mamlakatda futbol rivoji yo'lga qo'yilganiga 40 yil bo'ldi. SHunday ekan, siz musobaqaga 15 kun qolganida tayyorgarlikni boshlab bunday jamoalarni enga olmaysiz", - deydi Keyrush.