So'ngi paytlarda yosh futbolchilar o'rtasida tashkil qilinayotgan turnirlarda ko'plab iqtidorlar sayqallanib bormoqda.
Andijon viloyatida ilk bora O'zbekiston futbol associaciyasi hamda viloyat futbol associaciyasi tomonidan “Z.M. Bobur Kubogi” Respublika ochiq musobaqasi tashkil etildi. Unda yurtimizning turli viloyatlaridan tashrif buyurgan 2005-2006 yillarda tug'ilgan futbolchilardan iborat jamoalar ishtirok etdilar.
Vodiyning uch viloyati jamoalari o'rtasidagi bahslar keskin kurashlarga boy tarzda o'tdi. Turnirning yarim finaliga marg'ilonlik futbolchilar hamda Andijoning uch jamoasi etib keldi. Final o'yinida esa, Andijon futbol akademiyasi jamoasi, ixtisoslashgan bolalar va o'smirlar sport maktabi vakillari kuch sinashdi. Yakunda raqibiga hech qanday imkon qoldirmagan futbol akademiyasi jamoasi g'olib bo'ldi.
Musobaqaning tantanali yopilish marosimi bayram ruhida tashkil etilganiga alohida etibor qaratdik. Gimnastikachilarning chiqishlari, sharq yakkakurashi bilan shug'ullanuvchi sportchilarning ko'rgazmali dasturi namoyish qilindi.
Tadbirda so'z olgan viloyat futbol associaciyasi birinchi vice-prezidenti Bekzodbek Karimov, O'zbekiston futbol associaciyasi, bolalar futbolini rivojlantirish bo'limi mutasaddisi Nodirxo'ja Yuldashevlar yosh futbolchilarga ko'rsatgan o'yinlari uchun tashakkur bildirdilar. Viloyat sporti va futbol faxriylari musobaqaning ananaviy bo'lib qolishiga tilak bildirishdi.
G'olib va sovrindorlarga kubok va medallar tantanali tarzda topshirildi.
Elmurod Ermatov, Andijon
Bosh sahifaga
291