Doston Tursunov: “2015 yilda menga JCH va OCHda o'ynash nasib qildi”
/ Kiritdi: BestMaster O'qilgan: 1404
“Neftchi”ning olimpiya terma jamoasiga nomzod o'yinchilaridan biri bo'lgan Doston Tursunov yangi yil oldidan saytimizga kichik intervyu berdi.
- Yakuniga etib borayotgan yilni sarhisob qiladigan bo'lsak, shaxsan men uchun omadli kechdi. Klubda etarlicha o'yin amaliyotiga ega bo'lmagan ersamda, yoshlar terma jamoasi safida Osiyo chempionati va kichik mundialda ishtirok etib qaytdim. O'ylaymanki bu har bir futbolchining orzusi. Bundan juda xursandman. Qolaversa 2015 yilda yangi tashkil etilgan olimpiya terma jamoasiga ham chaqiruv ola boshladim. Kelasi yil Qatarda o'tkaziladigan Osiyo o'yinlariga tayyorgarlik ko'rmoqdamiz. Nasib qilsa bo'lajak nufuzli chempionatda ham munosib ishtirok etishga xarakat qilaman.
- O'zingizga yaxshi malum Farg'onaning Oltiariq tumanida tavallud topganman. Har gal yangi yilni uyda, oiladagilar bilan kutib olamiz. Soat 00:00 bo'lishini kutib o'tirardik. Bugun ham uyda bo'laman va yuqori kayfiyat bilan 2016 yilni qarshi olamiz.
- Fursatdan foydalanib, yangi yil bayrami munosabati bilan barcha yurtdoshlarimizni samimiy muborakbod etaman. 2016 yil barchamiz uchun omadli va barokatli kelsin. Yurtimizda tinchlik bo'laversin. Yaqinlarimiz hamisha sog' bo'lsin!
Islombek Rustambekov.
Bosh sahifaga
611