Rossiyalik Arsen va Lyudmila 2002 yil barda tanishib qolgan edi. Erkak "Barselona", ayol esa "Real" muxlisi bo'lishiga qaramay ular 2004 yilda turmush qurishdi.
Argentina hamda Nigeriya o'rtasidagi JCH-2018 guruh bosqichining 3-tur uchrashuvidagi argentinaliklarning g'alabasidan so'ng munosabatlar buzildi. Nigeriyaliklar darvozasiga birinchi golni Lionel Messi urdi. 40 yoshli Arsen uning ashaddiy muxlisi hisoblanadi. Er golni baland ovozda baqirib nishonladi. Krishtianu Ronaldu muxlisasi bo'lgan uning 37 yoshli xotini Lyudmila esa futbolchi ustidan kuldi.
"Sabr kosamni to'ldirdi. Mundial boshidan beri Lyudmila doimo hazillashib, sevimli futbolchimning ustidan kulib keldi. Nigeriya bilan o'yinda esa ochiqchasiga afrikaliklarga muxlislik qildi. U yana bir bor Lionel ustidan kulganidan so'ng jahlim chiqdi va Lyudmilaning sevimli futbolchisi Ronaldu va u muxlislik qiladigan klublar haqida nimani o'ylashimni aytdim. SHundan so'ng hujjatlarimni olib, bir umrga uni tark etdim".
Janjaldan so'ng Arsen ajrashish uchun ariza berdi.
Bosh sahifaga
1274