Bahriddin Vahobov: “2015 yil men uchinchi farzandim dunyoga kelgani bilan yodda qoladigan bo'ldi”
/ Kiritdi: BestMaster O'qilgan: 1260
“Qiziqlum”ning tajribali hujumchisi Bahriddin Vahobov yangi yil bayrami munosabati bilan yurtdoshlarimizni tabrikladi.
- Avvalambor o'zimga berilgan imkoniyatdan unumli foydalangan xolda, kelayotgan yangi yil barcha yurtdoshlarimiz uchun qutlug' bo'lsin. Ilohm yurtimiz tinch, osmonimiz hamisha musaffo bo'lsin. Hayotda eng muhimi ham shulardir.
- To'g'risi, ortda qolayotgan yil men uchun juda ham yaxshi o'tdi deya olaman. Uchinchi farzandim dunyoga keldi. 21-raqamni yoqtiraman. SHu bois avtomashinamga 021 davlat raqamini olganman. Telefon nomerimda ham 21 raqami bor. Tasodifni qarang, bu yilgi chempionatda 21ta to'p kiritibman. Buning uchun Yaratganga shukrona keltiraman.
- Menimcha har bir oila boshlig'i yangi yil bayramini ota onasi, turmush o'rtog'i va farzandlari bilan birgalikda nishonlaydi. Menda ham shunday odat bor. 2016 yilni ham yaxshi niyatlar bilan oilam davrasida tantanali ravishda kutib olaman. Buning uchun tayyorgarlik avjida.
- Yana bir bor barchani eshik qoqib kelayotgan yangi yil bilan tabriklayman. Ota onam, opalarim, turmush o'rtog'im, farzandlarim va yaqin birodarlarim baxtimga hamisha sog'-omon bo'lishsin. Har bir xonadonda xursandchilik bo'lsin. Omadli bo'laylik. Hammaning ishiga rivoj so'rab qolaman.
Islombek Rustambekov.
Bosh sahifaga
147