Ammo ayrim sabablar tufayli rejaga o'zgartirish kiritildi.
Futbolchilar kecha Oltiariqda to'planishdi va mashg'ulotlarni boshlab yuborishdi. Toshkentdagi yig'in esa 25 iyul kuni boshlanadi va 5 avgustga qadar davom etadi. Bu vaqt oralig'ida jamoa azolari “Nurafshon”ga qarshi kechadigan o'yin uchun ham tayyorgarlik olib borishadi.
“Iftixor” PFK murabbiylar shtabida o'zgarishlar yuz berdi. Xususan, shu kunga qadar jamoada bosh murabbiy vazifasini bajarib kelgan Asad Do'rmonov va jismoniy tayyorgarlik bo'yicha murabbiy Diyorbek Alijonovlarga viloyatning bosh jamoasi “Neftchi”dan taklif tushgani inobatga olinib, bu ikki mutaxassis bilan tuzilgan shartnomalar bekor qilindi va lavozimidan ozod etildi. Bu borada klubining kechagi yig'ilishida malum qilindi.
“Iftixor” jamoasi bosh murabbiy lavozimini esa shu kunga qadar jamoada yordamchi murabbiy bo'lib ishlab kelgan Mahmudjon Matkarimov egalladi. Bosh murabbiy yordamchilari sifatida esa Jahongir Mahkamov va Xayrullo Mirzajonovlar faoliyat olib boradigan bo'lishdi.
Jamoa tarkibidagi o'zgarishlar haqida to'xtaladigan bo'lsak, mashg'ulotlarda bir qator yangi futbolchilar ishtirok etishmoqda. Xususan, “Qo'qon-1912”dan kelgan Ismoil Oxunjonov, futbol muxlislar uchun tanish bo'lgan Rustam Azamov va bir qator yosh futbolchilarni keltirib o'tish mumkin.
Murabbiylar shtabi bugun va ertaga nazorat uchrashuvini o'tkazishni rejalashtirgan. Bugun "Iftixor" Quvasoyning “Cementchi” klubiga qarshi maydonga tushadi. Uchrashuv Oltiariqdagi “Markaziy” stadionda soat 18:00da boshlanadi. Ertaga esa “Neftchi” bilan o'yin rejalashtirilgan.
Bosh sahifaga
177