Iroq olimpiya terma jamoasi Xitoyni mag'lub etdi
/ Kiritdi: BestMaster O'qilgan: 1042
O'zbekiston olimpiya terma jamoasining U23 Osiyo chempionatidagi raqibi Iroq olimipya terma jamoasi Xitoy bilan o'rtoqlik uchrashuvini o'tkazdi.
29 dekabr kuni Dubay shahrida bo'lib o'tgan bahsda Iroq olimpiyachilari 1:0 hisobida zafar quchishdi. Osiyo chempionatidagi raqibimiz Dubayda yana ikkita o'rtoqlik uchrashuvida maydonga tushadi. 2 yanvar kuni KXDR, 6 yanvarda Saudiya Arabistoni bilan o'yinlar bo'lib o'tadi.
Eslatib o'tamiz, O'zbekiston olimpiya terma jamoasi 12 – 30 yanvar kunlari Qatarda bo'lib o'tadigan Osiyo chempionatida ishtirok etadi. Turnirning guruh bosqichida O'zbekistonga Iroqdan tashqari Janubiy Koreya va Yaman olimpiya terma jamoalari raqib bo'ladi.
Iroq va O'zbekiston o'rtasidagi o'yin 16 yanvar kuni bo'lib o'tadi.
Bosh sahifaga
240