O'zbekiston U-16 ayollar terma jamoasi bugun Xalqaro musobaqadagi ishtirokini boshlaydi

2018-07-17 09:50:01 / Kiritdi: BestMaster O'qilgan: 198

O'zbekiston U-16 ayollar terma jamoasi Osiyo chempionati saralash bosqichiga tayyorgarlik ko'rish uchun 16 iyuldan 23 iyulga qadar Qirg'iziston Respublikasining Bishkek shahrida tashkil etilayotgan xalqaro turnirda qatnashishi haqida avval xabar berib o'tgandik.

Bugun Ilhom Xanjariev boshchiligidagi terma jamoa azolari Qozog'iston U-17 ayollar terma jamoasiga qarshi o'yin bilan musobaqadagi ishtirokini boshlaydi. Uchrashuv Bishkek shahridagi Do'lan Omurzakov nomidagi stadionda Toshkent vaqti bilan soat 13:30da boshlanadi.

Eslatib o'tamiz, turnirda O'zbekiston, Qozog'iston ayollar terma jamoasidan tashqari Qirg'iziston va Tojikistonning 16 yoshgacha bo'lgan futbolchilaridan tashkil topgan terma jamoalari ham qatnashishmoqda.

Teglar: ozbekiston, u-16, ayollar, terma, jamoasi, bugun, xalqaro, musobaqadagi, ishtirokini, boshlaydi,
← Oldinga Orqaga →