Ben-Arfa "France Football" gazetasining bir sahifasini sotib olib, unda Franciya terma jamoasining mundialdagi ishtiroki xususida maqola chop etdi.
"Franciya terma jamoasining muvaffaqiyatidan barcha qatori men ham juda quvondim. Muxlislar, futbolchilar va Dide Deshan qanchalar baxtli ekanligini tushunib turibman. Lekin men bir narsani so'ramoqchiman, keling to'g'risini aytamiz: Franciyaning ushbu g'alabasi haqiqiy zavq bag'ishladimi? Sizlar baxtlimisizlar? Meni nazarimda, Franciyaning mundialda ko'rsatgan uslubi va o'yini juda badbashara bo'ldi. Men bu uslub endi Franciya akademiyalarida va klublarda qo'llanishini istamayman.
To'g'ri, bu uslubi juda samarali va foydali. Biz raqib xato qilishini kutamiz va ularni bu xatolari uchun tezda jazolaymiz. Franciya qo'llagan bu uslub foyda keltirdi. Bu uslubga ko'nikish va uzlashtirish juda oson. Ammo bu endi Evro-2020 saralash bosqichida ish bermaydi. Franciya mundialda qo'llagan uslubini asiriga aylanadi.
Franciyada hozir ajoyib avlod etishib chiqqan. O'yin qurishda tengsiz bo'lganlar - Grizmann, Fekir, Mbappe, Dembele... Bu futbolchilar bilan Deshan tanlagan uslubda o'ynash jinoyat. Franciya bu kabi ijrochilar bilan yanada chiroyli, yorqin va kuchliroq o'ynashga qodir. Tushuning, biz raqibga qarab o'ynashimiz kerak emas. Aksincha, Franciya o'z uslubini raqibga o'tkazishi, o'yinni to'liq nazorat qilishi lozim. Aynan shu jihat Franciya futboli falsafasiga to'g'ri keladi.
Men mese Dide Deshan oldida shlyapamni echaman. Lekin Franciya terma jamoasi rulida Zinedin Zidanga o'xshagan mutaxassisni ko'rishni istardim. SHundagina biz nafaqat natijadan, balki o'yindan ham rohat olamiz".
(c) Xatem Ben-Arfa.
Eslatib o'tamiz, Xatem Ben-Arfa ayni paytda erkin agent maqomiga ega. O'tgan mavsumda PSJ azosi sanalgan ushbu futbolchi Franciya chempionatida ham, ECHLda ham umuman maydonga tushgani yo'q.
Bosh sahifaga
251
