"Vodiy futboli": Qo'qonlik muxlislar Andijonga borishadi

“Qo'qon-1912” muxlislari Andijonga borishadi

“Qo'qon-1912” jamoasi navbatdagi uchrashuvni Andijonda o'tkazishidan xabringiz bor. Vodiy derbisi nomini olgan mazkur uchrashuvda “Qo'qon-1912”ni bevosita stadionda qo'llab-quvvatlashni istagan muxlislar uchun qulayliklar yaratilgan. Ularning Andijonga borib kelishlari uchun avtobus qo'yilishi rejalashtirilgan. Andijonga borishni istagan muxlislar 22 avgust shanba kuni soat 11:00da Qo'qon “Markaziy” stadionga kelishlari mumkin. Andijonga borishni istagan muxlislar quyidagi telefon raqamiga murojaat etishlari mumkin: +99890 508 77 99


"Andijon": "Qo'qon-1912" bilan o'yin hakamlari malum

Kecha PFL oliy liga 19-tur uchrashuvlarida ishlaydigan hakamlarni malum qildi. Ushbu turda jamoamiz yana o'z maydonida to'p surib qo'qonliklarni qabul qiladi.

Mazkur vodiy derbisini Baxtiyor Namozov boshqaradi. Unga qanotlarda S.SHoyusupov va A.Kalinin yordam berishadi. Uchrashuv nazoratchi hakami etib Dmitriy Roman tayinlandi.

Eslatib o'tamiz, “Andijon” va “Qo'qon-1912” jamoalari o'rtasidagi bahs 22 avgust kuni “Sog'lom avlod” stadionida bo'lib o'tadi.

Andijon (Andijon) – Qo'qon-1912 (Qo'qon)
Hakamlar: B. Namozov (Toshkent). S. SHoyusupov (Toshkent), A. Kalinin (Qarshi), D. Karimov (Toshkent)
Nazoratchi: D. Roman (Toshkent)


"Navbahor": "So'g'diyona"ga qarshi o'yin soat 18:00da boshlanadi

"Navbahor" oliy liganing 19-turida Jizzaxda “So'g'diyona” klubi mehmoni bo'lishidan xabaringiz bor. PFL “So'g'diyona” o'yingohida bo'lib o'tadigan uchrashuvni boshqaradigan hakamlar brigadasini elon qildi.

"So'g'diyona" va "Navbahor" o'rtasidagi Jizzaxda o'tadigan bellashuvni Vladislav Ceytlin brigadasi boshqari boradi. Poytaxtlik referiga qanotlarda buxorolik Abduraxmon Qo'ldoshev hamda Bobir Qosimovlar ko'maklashishsa, toshkentlik Rustam Lutfulin zaxira hakami vazifasini bajaradi. O'yinni nazorat qilish Arslon Xotamov zimmasiga yuklatilgan. Ahrol Inoyatov (Toshkent) PFL vakili sifatida Jizzaxga tashrif buyuradi.

22 avgust kungi “So'g'diyona” o'yingohida bo'lib o'tadigan bahs soat 18.00da boshlanishi malum qilindi. Bir kun oldin yoshlar o'rtasida o'tkaziladigan o'yin esa soat 17.00da “So'g'diyona” jamoasi qarorgohi maydonida boshlanadi.


"Neftchi": "Metallurg" bilan o'yinda Asimov ishlaydi

Oliy liganing 19-turida "Neftchi" o'z maydonida "Metallurg" bilan o'ynaydi.

O'yinni Aziz Asimov boshchiligidagi hakamlar boshqarib borishadi. Unga qanotlarda Xusniddin SHodmonov va Ruslan Nugmanov yordam berishadi. Zaxira hakami A.Raximov. Nazoratchi sifatida A. Arutyunov tayinlandi.